Gn 39:12 - Chuj San Sebastian Bible

¹² Yuj cha, x'och yamnjoc 'ix 'a spichl winac, xyaln 'ix 'ixtic: —Wayn̈ wet'oc, xchi 'ix. A yic xyab'n win jun cha, sto'n 'el sb'a win 'a yol sc'ab' 'ix, carela x'at winac, ax spichl winac, xcancn 'a yol sc'ab' 'ix.

Chuj San Mateo Bible

¹² Axo ta' ix och tzuctzuc ix d'a spichul vin̈, ix yalan ix icha tic: —Vayan̈ ved'oc, xchi ix. Axo ix yab'an jun chi' vin̈, ix spich'anel sb'a vin̈ d'a yol sc'ab' ix. Ix elta lemnaj vin̈ d'a ti pat, axo spichul vin̈ ix can d'a yol sc'ab' ix.

Gn 39:12 Referans Kwoze

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

Ec 7:26

'Ay wal jun tas yel xo wal tu x'ilchj wuj 'a yib'n̈ chamel. Atn 'ix 'ix caw wal 'ay smon yejm win winc yu'uj, man̈xtzac yactj 'el 'ix win winc cha. A win winc yiclum 'a Dios, matz 'ejm win yuj 'ix, palta ax win tzb'on xon maysch'olnil, tzmonchj win yuj 'ix.

Pr 6:5

masnto tzach 'el 'a yalan̈, 'icha tz'aj yel e no c'ultquil chej 'a eb' ma'm noc'. 'Ij 'el a b'a 'a 'a, 'icha tz'aj yel e no ch'ic 'a junc ya'al.

Pr 5:8

'Ij 'el a b'a 'a stz'ey 'ix 'ix 'ay yichmil cha. Man̈ ach c'och 'a stz'ey sti smac yatut 'ix,

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

Gn 39:10

'Ix 'och tecn 'ix yaln 'a José, 'a junjn c'u tznib'j 'ix tzway win yet'oc, palta jun 'ejmn̈ej ma'ix yal sc'ojl win jun cha, matz nib'j win tzc'och 'a stz'ey 'ix.

Gn 39:8

Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a.

Pr 1:15

¡Ach wunnal, man̈ ach 'at yet' eb'! A eco', to tzej 'el a b'a 'a stz'ey eb', man̈ a b'eylb'oc sb'eyb'al eb' cha,

A Ch'an̈ B'ab'el Libro Samuel 15:27

Ax yic xmeltzj Samuel, 'ix can to'n Saúl 'a sti spotil, ax x'aji, 'ix jat te yu'uj.

Gn 39:11

'Ay jun c'u, x'och José 'a yol n̈a yic tzb'on smunljel, may junc xo comn 'anma 'aych 'a yol n̈a cha, cojn 'ix 'aych ta'.

Gn 39:13

Ax xyiln 'ix to x'at win 'eloc, xcancn pax spichl win 'a yol sc'ab' 'ix,

A Ch'an̈ Schab'l Libro Samuel 13:11

Ax yic xc'och 'ix 'a yojltac win yet' tas tzc'ux cha, 'ix 'och la'n win 'a 'ix, 'ix yaln win 'ixtic: —Lem wanab' to tzach way wet'oc, xchi win 'a 'ix.