Gn 39:10 - Chuj San Sebastian Bible

¹⁰ 'Ix 'och tecn 'ix yaln 'a José, 'a junjn c'u tznib'j 'ix tzway win yet'oc, palta jun 'ejmn̈ej ma'ix yal sc'ojl win jun cha, matz nib'j win tzc'och 'a stz'ey 'ix.

Chuj San Mateo Bible

¹⁰ Ix ochn̈ej ijan ix stevioch d'a vin̈. Junjun c'u syal ix to svay vin̈ yed' ix, palta juneln̈ej max ochlaj d'a sc'ol vin̈ svay yed' ix, max yalpaxlaj sc'ol vin̈ sc'och b'aj ayec' ix.

Gn 39:10 Referans Kwoze

Gn 39:8

Palta ma'ix yal sc'ojl José, yuj cha, 'ix yaln 'ixtic: —Ma'ay, ojc ach tic to in ya'cn 'och win echmil yilmalc smasnil tas 'ay 'a tic; yujto an 'ayn can yuj win 'a tic, yuj cha, may tas tzna yuj tas 'ay 'a 'a.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

1 Ts 5:22

Smasnil tas maysch'olnil, caw man̈ e cha eyab'i'.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

1 Co 6:18

Yuj cha, caw tzeyij 'el e b'a 'a 'ajmulal. Yujto tzann̈j jun tzo'n̈ xo maysch'olnil tzb'o eb' 'anma', man̈oc sniwnal eb' tzmulni. Palta a mach tzb'on 'ajmulal cha, caw a 'a sniwnal chi tz'och smul.

Pr 23:27

yujto a eb' 'ix 'ajmul 'ix, yet' eb' 'ix tzb'o 'ajmulal 'a yol sc'ab' yichmil, caw lajn eb' 'ix 'icha junc xab', yunen̈ej palta caw wal xab' yich.

Pr 22:14

A spaxti junc 'ix 'ix tzmuln 'a yol sc'ab' yichmil, lajn spaxti 'ix 'icha xab'l yich junc jul, ata tz'atcn eb' tzcatb'tzax yuj Jehová.

Pr 7:5

'Ixta 'oj aj a colchj 'el 'a yol sc'ab' 'ix 'ajmul 'ix, atn 'ix 'ay yichmil, 'ix to man̈x jantcoc sja'l smontn paxtinc sb'a.

Pr 5:8

'Ij 'el a b'a 'a stz'ey 'ix 'ix 'ay yichmil cha. Man̈ ach c'och 'a stz'ey sti smac yatut 'ix,

Pr 5:3

'Ay 'ix 'ix 'ay yichmil, caw wach' spaxtin 'ix. 'Icha schil no yal chab', 'ixta spaxti 'ix cha. Caw c'un tzyutj 'ix yol sjaj smontn paxtinc sb'a,

Pr 2:16

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'.

Pr 1:15

¡Ach wunnal, man̈ ach 'at yet' eb'! A eco', to tzej 'el a b'a 'a stz'ey eb', man̈ a b'eylb'oc sb'eyb'al eb' cha,

Pr 9:16

Tzyaln 'ix 'a eb' 'ixtic: Cotn̈ec 'a tic ex quelmtac winc to mant 'a e jelnal, mant 'a e nab'en.

Pr 9:14

Ton̈j tz'em wocn 'ix 'a sti yatut 'a junc tzaln 'a yol chon̈ab',

Pr 7:13

A jun 'ix cha, yajn̈ej x'och la'njoc 'a jun quelm cha, stz'ub'n 'elt 'ix sti winac, caw may jac sq'uixwc'ojlal. Yajn̈ej 'ix yaln 'ix 'a win 'ixtic:

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Gn 39:9

A smasnil tas 'ay 'a yol te n̈a tic, 'aych 'a yol in c'ab', an tztac' wa'n mandar; cojn 'ayach, matz tac' wa'n 'och in c'ab', yujto yistzil ach win in patron̈. ¿Tom 'oj stac' in b'on junc tas maysch'olnil, yujto tz'och pax in mul 'a sat Dios? xchi José.

Gn 39:11

'Ay jun c'u, x'och José 'a yol n̈a yic tzb'on smunljel, may junc xo comn 'anma 'aych 'a yol n̈a cha, cojn 'ix 'aych ta'.

Pr 23:28

Tzmacwj eb' 'ix 'a yol b'e 'icha junc 'elc'um. Til wal eb' winc tzjuw 'el yuj eb' 'ix.