Gn 38:20 - Chuj San Sebastian Bible

²⁰ Ax win Judá, 'ix ya' cot win no chiwo 'a win swach'c'ojl 'aj Adulam, ax win tz'a'n no 'a 'ix, sec tzya'x meltzjoc 'ix jun tzo'n̈ tas 'aycn 'a cha, palta ax 'ix 'aji, man̈xtoc 'ix 'ilchj 'ix yuj winac.

Chuj San Mateo Bible

²⁰ Ayic ix c'och vin̈aj Judá b'aj ayec' noc' scalnel chi', ix schecancot vin̈ yamigo vin̈, aton vin̈ aj Adulam, ix b'at yac'ancan noc' yune' chiva chi' vin̈ d'a ix ix chi' yic syic'paxta tas aycan chi' d'a ix yuj vin̈aj Judá chi' yalani, palta majxo ilchajlaj ix yuj vin̈ schecab' vin chi'.

Gn 38:20 Referans Kwoze

Lc 23:12

A wal 'a jun c'u cha, 'ix swach'c'ojlej sb'a win Pilato chi yet' win Herodes. Yujto a 'a yic yalan̈, caw wal matz nib'j eb' yil sb'a.

A Ch'an̈ Schab'l Libro Samuel 13:3

'Ay jun swach'c'ojl win caw jeln 'a stu'al, Jonadab sb'i, yunnal jun win tzcuch Simea, yu'tac sb'a win yet' David.

Jueces 14:20

Mant najtloc cha, ax 'ix yistzil Sansón cha, 'ix 'ajx 'ix 'a jun win ajun yet' win Sansón cha, 'ix nupn win yet' 'ix.

Lv 19:17

Man̈ ex chichnoc 'a junc eyit 'anma'il. A eyico', to tze tenchwa'an, tzeya'n snab'enoc, sec man̈ locnoc ex 'a smul cha.

Gn 20:9

Xlajw cha, 'ix yawtn cot win Abimelec win Abraham, 'ix yaln 'a 'ixtic: —¿Tas yuj 'ixta in otej? ¿Tas in mul 'ayach yuj cha, 'ijn tzcot jun niwquil mul tic 'a wib'n̈ o'oj, yet' 'a yib'n̈ smasnil eb' in checb' tic? Man̈ wach'c tas xa b'o'o.

Gn 38:1

A yic jun tiempoal cha, spojn 'el sb'a win Judá 'a scal eb' yu'tac, xc'och cajn win 'a stz'ey jun win tzcuch Hira, 'aj chon̈b' Adulam winac.

Gn 38:21

Yuj cha, sc'anb'n 'ec' win 'ix 'a eb' 'aj lugar chi 'ixtic: —¿'Ajtil 'ay jun 'ix 'ajmul 'ix 'a tic, jun 'ix tz'em wocn 'a sti b'e 'a Enaim tic? xchi winac. —A 'a tic may junc 'ix 'ajmul 'ix, xchi ewinac.