Gn 38:2 - Chuj San Sebastian Bible

² Ata xyilch win jun 'ix yisl jun win 'aj Canaán tzcuch Súa, xyi'n sb'a win yet' 'ix.

Chuj San Mateo Bible

² Ata' ix yiloch ix yisil jun vin̈ aj Canaán scuchan Súa vin̈, ix yic'lan sb'a vin̈ yed' ix.

Gn 38:2 Referans Kwoze

1 Cr 2:3

Eb' yunnal Judá: atn Er, Onán yet' Sela. A snun eb' 'oxwn̈ tic, atn 'ix yisl Súa, 'aj Canaán 'ix. Palta a Er cha, win sb'ab'l 'unnal Judá, caw wal tu sb'eyb'al, yuj cha, 'ix satx 'el yuj Jehová.

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

2 Co 6:14

Matz tac' junn̈j tzon̈ 'aj yet' eb' man̈ creyenteoc, yujto caw man̈ smojc 'ixta'. A jun wach' b'eyb'al, may yaln yic 'a maysch'olnil. Ax jun sacq'uinl 'aych 'a qui pixnec, man̈ yitb'eymoc sb'a yet' q'uic'q'uinal.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Jueces 16:1

'Ix xit' Sansón 'a Gaza. Ata 'ix yil jun 'ix 'ajmul 'ix. 'Ix 'och 'a yol yatut 'ix, 'ix way win yet' 'ix 'a jun 'ac'wl cha.

Jueces 14:2

Ax yic xc'ochx 'a yatut smam cha, 'ix yaln 'ixtc 'a smam snun: —'Ay wal jun 'ix cob's xwil 'a chon̈b' Timnat, 'a scal eb' 'ix yisl ewin filisteo. Caw tzcan in nab'en 'a 'ix, yuj cha, tzwaln 'ayex, to tz'at e c'an wic' 'ix, xchi.

Gn 34:2

Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Nm 26:19

A 'a scal eb' yunnal Judá, ata 'ix cham win Er yet' Onán. A eb' tic, ata 'ix chamcn eb' 'a yol yic Canaán.

Gn 28:1

Yuj cha, xyawtn cot Isaac win Jacob, syamn 'och yaln can wach' paxti 'a yib'an̈, xyaln can jun checnb'il 'a 'ixtic: Man̈ ec' a b'a yet' junc 'ix 'aj Canaán tic.