Gn 37:36 - Chuj San Sebastian Bible

³⁶ Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

Chuj San Mateo Bible

³⁶ Axo eb' vin̈ aj Madián chi', ayic ix c'och eb' vin̈ d'a Egipto chi', ix schon̈anxib'at vin̈aj José chi' eb' vin̈ d'a vin̈aj Potifar, yajal eb' stan̈van vin̈ rey d'a Egipto chi'.

Gn 37:36 Referans Kwoze

Gn 40:4

Ax 'a yol sc'ab' José, ata xya'ch win capitan̈ ewinac, ax José x'och stan̈malc eb', najtl xcan eb' 'a preso cha.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Is 56:3

Toto 'ay junc chuc chon̈b'al tznib'j tzya'ch sb'a 'a yol sc'ab' Jehová, comnoc matz yal 'ixtic: An tic, matz in schaj 'och Jehová 'a scal eb' schon̈ab', man̈ cab' xchioc. An̈jtona junc mach 'ic'b'il 'el yitb'eym swincal yuj eb' yit 'anma'il, comnoc matz yal 'ixtic: An tic, man̈x 'a wopiso, lajn in xoj 'icha junc te te tacn̈ xo, man̈ schioc.

A Ch'an̈ Schab'il Libro Yic Yab'ixal Eb' Rey 25:8

Uque xo c'u yoch yol 'uj 'a yic sb'aln̈lajn̈il xo ab'il yoch Nabucodonosor reyl 'a Babilonia, 'ix jaw Nabuzaradán yet' eb' soldado 'a Jerusalén, sat yajl yaj yuj win rey cha, comandante pax yaj 'a eb' soldado tztan̈wni winac.

Ester 1:10

A wal 'a yic stz'acw yucl c'u q'uin̈, caw wal tzalj sc'ojl win rey chi yuj yal uva jawnac sti', yuj cha, schecn 'at win ucwn̈ eb' winc 'aych ya'malc servil to 'aych yipc sc'ojol, atn Mehumán, Bizta, Harbona, Bigta, Abagta, Zetar yet' Carcas

Gn 40:3

'Ix ya'n win rey 'ajxc 'och eb' 'a preso 'a yatut win capitan̈ 'a 'aj 'aych José 'a preso cha.

Gn 41:12

A 'a jun lugar cha, 'ayc' jun win quelm hebreo, schecb' win syajlil ewin soldado tzach tan̈wni. Xcaln qui waych chi 'a win on̈, caw wal wach' xyutj win yalni tas tzyal 'el'ch qui waych chi 'on̈.

Salmos 105:17

Palta 'ix ya'cn b'ab'ljoc jun win quelm yuj eb', atn win José, win chon̈b'il can 'at mosoal.

Jeremías 39:9

Ax 'a slajub', a Nabuzaradán scomandanteil eb' stan̈mal win sreyl Babilonia, a 'ix 'i'n 'at smasnil eb' 'anma 'aj chon̈b' chi 'icha presoal, atn eb' xcant can 'a yol chon̈b' cha, yet' pax eb' xya'ch sb'a yet' eb' 'aj Babilonia.

Dn 2:14

Yuj cha, xpaxtin Daniel 'a wach' nab'enal 'a win Arioc atn win scapitan̈il eb' soldado tztan̈wni win rey cha, yujto a win x'ajx yopiso smiln cham eb' tzcob' yal jelnal sb'a 'a Babilonia cha.