Gn 37:35 - Chuj San Sebastian Bible

³⁵ Smasnil eb' yunnal yet' eb' yisil, xya'lj to wal eb' ya'n sniwnal sc'ojl smam cha, palta man̈xtoc tznib'j win tz'ajx sniwnal sc'ojol. Caw wal tz'oc' win yuj win yunnal cha, xyaln 'ixtic: Caw wal tzin cus yuj win wunnal cha, masnto 'oj in 'at yet' win 'a chamel, xchi winac.

Chuj San Mateo Bible

³⁵ Masanil eb' yuninal vin̈ yed' eb' ix yisil vin̈, ix yac'lej eb' yac'an snivanil sc'ol vin̈, palta max yal-laj sc'ol vin̈ tz'ac'ji snivanil sc'ool. Tz'oc'n̈ej vin̈ yuj vin̈ yuninal chi'. Ix yalan vin̈ icha tic: Ol te cusn̈ej val in c'ool yuj vin̈ vuninal masanto ol in b'at b'aj ayec' vin̈ d'a scal eb' chamnac, xchi vin̈.

Gn 37:35 Referans Kwoze

Job 2:11

'Ay 'oxwn̈ swach'c'ojl Job, atn eb' tic: Win Elifaz cajn 'a yol yic Temán, win Bildad cajn 'a yol yic Súah, yet' win Zofar cajn 'a yol yic Naamat. 'Ix yab' eb' speclal to 'ay jun tzo'n̈ yailal chi xjaw 'a yib'n̈ winac, yuj cha, xya'n 'och eb' 'a sc'ojl scot wul yac' sniwnal sc'ojol, yic tzmol cus eb' yet' winac.

A Ch'an̈ Schab'l Libro Samuel 12:17

Ax eb' 'ichmtac winc tzmunlj yet' 'a sdespacho cha, 'ix c'och eb' 'a 'a, yic xcob' 'at yi'nc chan̈ eb' 'a sat lum cha, palta ma'ix schaj chan̈ sb'a, ma'ix yal sc'ojl xwa yet' eb'.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Gn 45:28

Xlajw cha, xyaln win Israel chi 'ixtic: Colb'il cab' xwab'i chajtlto pitznto ni wunnal José, 'oj 'at wil ni wunnal cha, yic mantzac in chami, xchi winac.

Gn 42:31

Palta xcaln 'ixtc 'a win on̈: Caw wach'n̈ on̈, man̈ tuc qui nab'en yic tzon̈ 'eq'ui, man̈ on̈ 'ilwjumoc,

Gn 31:43

Yuj cha, xyaln win Labán 'a win Jacob 'ixtic: —Wisl eb' 'ixtic, wi'inchicn eb' tic, yet' smasnil no calnelu tic, wic e no', smasnil tas 'ay 'a tic wico', palta jun, ¿tasto wal tzwutj eb' 'ix wisil, yet' yune eb' 'ix?

Gn 25:8

'Ichm wincal x'i'ni yic xchami.

Gn 35:29

Caw 'ichm winc xo winac yic xcham cha. Ax Jacob yet' Esaú ewin yunnal, a eb' xmucni.

A Ch'an̈ Schab'l Libro Samuel 12:23

Palta ax ticnec xcham winac, ¿tas to wal yuj tzin 'och 'a c'ajb'c'ojlal? ¿tom 'oj pitzwcto pax winac? Cojn to an 'oj in 'at yet' winac, al wal sjapx win wet'oc, man̈ xo, xchi.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Gn 48:11

Xlajw cha, xyaln Israel 'ixtc 'a José: —Caw man̈xtzac in na'a toto 'oj ach wilx to 'ochi, palta a Dios 'ix 'a'n wilch can eb' onnal tic, xchi.

A Ch'an̈ Schab'l Libro Samuel 19:1

'Ix yab'n eb' 'anma', to tz'oc' win rey David, caw wal tacn̈ sc'ojl yuj schamlil Absalón, atn win yunnal, 'ix yab'n pax sb'a Joab. Yuj cha, a jun owl 'ix yac' ganar eb' 'a jun c'u cha, 'ix meltzj can 'och 'a cusc'ojlal.

1 Cr 7:22

A Efraín, atn smam eb', caw niwn tiempo 'ix cusi, yuj cha, 'ix jaw eb' yican wul yac' sniwnal sc'ojol.

Salmos 77:3

A yic tzin nan cot Dios caw tzin 'oq'ui, tzin yamn 'och in b'eyc'ojlan in b'a, ax tz'aji tzjaw chab'c'ojlal 'ayin.