Gn 37:27 - Chuj San Sebastian Bible

²⁷ Wach' to tzqui chon̈c 'el 'a eb' ismaelita tzjaw cha; man̈ qui milc chamoc, yujto cu'taquec qui b'a yet'oc, xchi Judá. Xchan sc'ojl smasnil eb' yu'tac 'a tas xyal cha.

Chuj San Mateo Bible

²⁷ Vach' ama to sco chon̈b'at vin̈ d'a eb' vin̈ ismaelita van sja tic. Mocab' co milcham vin̈ yujto cuc'tac co b'a yed' vin̈, xchi vin̈. Ix schaan sc'ol eb' vin̈ chi' tas ix yal vin̈aj Judá chi'.

Gn 37:27 Referans Kwoze

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Gn 42:21

Xlajw cha, xlaj yal-lanc eb' 'a junjn 'ixtic: —Caw wal yel tu xcutjec qui b'a 'a win cu'tac José, ma'ix qui chajec cab'i', yic xtew 'och win 'ayn̈ec, sec tz'o'ch qui c'ojlec 'a 'a, ton̈j xquilec to caw 'ix cusi. Yuj ton am cha, tzjaw jun cusc'ojlal tic 'a quib'n̈ec, xchi ewinac.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

Apoc 18:13

'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Nehemías 5:8

Xlajw cha, xwaln 'a eb' 'ixtic: An̈ tic on̈, caw 'ix cac' 'ip qui coln 'el eb' quit chon̈b'ec chon̈b'il can 'at 'a jun tzo'n̈ xo nacion̈, ¿tom 'oj e chon̈x 'at eb' quit chon̈b'ec, an̈ xo 'oj qui manl eb' jun 'ejm xo on̈? xin chi 'a eb'. Caw sictac xoj xcan eb', man̈xtoc xnachj 'el yuj eb' tas xyutj eb' sta'wi.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

Ex 21:21

Palta toto tzat 'ec' jun moso chi jaye'ocx c'ual, 'ixta to b'i'an tzchami, toto 'ixta', man̈xtzac 'ajx 'och chaml 'a yib'n̈ jun spatron̈ cha, yujto yic yaj jun smoso cha.

Ex 21:16

A mach tz'elc'n junc 'anma', toxn̈ej tox schon̈li, mto 'ayt 'ec' yet'oc, yowlal tzcham jun 'elc'm cha.

Gn 37:22

Man̈ 'och cab' qui mulc qui'n 'el schic'l winac, cojnto tzca'c 'ejm win 'a yol junc xab' 'a cusltac lum tic, sec wach' may junc on̈ tz'och qui c'ab' 'a 'a, xchi. 'Ixta xyutj Rubén yaln jun tzo'n̈ cha, yujto tznib'j tzcolcn 'el José cha, sec wach' tz'aj smeltzj pax 'a smam.

Gn 29:14

Xyaln Labán 'a 'ixtic: Wal yel caw wal junn̈j to quin̈tl et'oc, xchi 'a winac. Yuj cha, xcancn Jacob yet' Labán jun 'ujal.

Gn 50:20

Ax tic, xe na e b'on jun tu nab'enal 'a in patic, palta ax Dios, xjeln jun tu nab'enal chi 'a wach'il, sec niwn 'anma tzcolchji, 'icha jun wan quilnec tic.

Nehemías 5:5

A ticnec, an̈ec tic yet' eb' quit chon̈b'ec tic, junn̈j quin̈tlec, may mach chuc yilx yunnal, lajn yilx cunnalec yet' yunnal eb'. ¿Tas yuj a eb' cunnalec 'aych mosoal 'a eb'? 'Ayn̈ec 'ayx 'och quislec ya'mal servil eb', man̈x 'a wach' tas tzcutj qui colnec qui b'a, yujto yic xo eb' qui lumec, yet' cawb'ente', xchi eb'.