Gn 36:9 - Chuj San Sebastian Bible

⁹ Atn eb' yin̈tl Esaú tic, ewin smam 'ichm eb' edomita, ewin 'e'nc cajn 'a lum jolmctac witz yic Seir.

Chuj San Mateo Bible

⁹ Aton tic yab'ixal eb' yin̈tilal vin̈aj Esaú, aton eb' smam yicham eb' vin̈ edomita, eb' vin̈ ix cajnajec' d'a tzalquixtac d'a Seir.

Gn 36:9 Referans Kwoze

Gn 19:37

A 'ix b'ab'el, 'ix 'alj jun yune 'ix, winc 'unin, xya'n 'ix sb'ic Moab, atn smam 'ichm eb' moabita ticnec.

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

Gn 36:8

Yuj cha, 'ix 'at Esaú 'at scaj lum jolmctac witz yic Seir.

Gn 36:10

Atn sb'i eb' yunnal Esaú tic: Elifaz yune 'ix Ada, Reuel, yune 'ix Basemat.

1 Cr 4:42

An̈jtona', 'ayt pax junx o'e ciente eb' winc 'a yin̈tl Simeón 'ix c'och cajn 'a lum jolm witz 'a yol yic Seir, ax eb' yunnal Isi, atn Pelatías, Nearías, Refaías yet' Uziel, atn eb' 'aych scapitan̈oc eb'.

Gn 32:4

Xyaln schecnb'il 'a eb' 'ixtic: 'At alc 'ixtc 'a ni wu'tac Esaú: To a ni o'tac Jacob, tzya'ch sb'a ni 'a yaln̈ a checnb'il, xe chi 'a 'a. Tzeyaln paxi to a yet' win Labán in 'ec' jun tiempoal.

Dt 2:5

Man̈ e comn milc cham eb', yujto a lum slum eb' cha, may xon jac lum 'oj wac' eyico'oc. A eb' lum jolmctac witz 'ay 'a yol yic Seír, yic eb' yin̈tl Esaú yaj lu'um. An 'ix wac' lum 'a eb'.

Josué 24:4

Xwa'n chawn̈ yunnal win Isaac cha, atn Jacob yet' Esaú. Xwa'n can lum jolmctac witz 'a yol yic lum Seir 'a Esaú, ax Jacob yet' eb' yunnal, 'ix 'atcn eb' 'a Egipto.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom: