Gn 36:18 - Chuj San Sebastian Bible

¹⁸ Ax pax 'a eb' yune 'ix Aholibama cha, eb' x'och yopiso 'a scal eb', atn Jeús, Jaalam yet' Coré.

Chuj San Mateo Bible

¹⁸ A eb' yune' ix Aholibama yisil vin̈aj Aná, yetb'eyum vin̈aj Esaú, ix och yajaliloc chon̈ab': Aton vin̈aj Jeús, vin̈aj Jaalam yed' vin̈aj Coré.

Gn 36:18 Referans Kwoze

Gn 36:14

Aholibama sb'i junx 'ix yistzil Esaú cha, ax eb' yune 'ix atn eb' tic: Jeús, Jaalam yet' Coré. A Aholibama tic, yisl win Aná, yixchicn win Zibeón.

1 Cr 1:35

Ax eb' yunnal Esaú: atn Elifaz, Reuel, Jeús, Jaalam yet' Coré.

Gn 36:5

Ax pax 'ix Aholibama x'alj pax eb' yune', atn Jeús, Jaalam yet' Coré. Atn eb' yunnal Esaú tic x'alj 'a lum Canaán, 'a yic cajnto 'ec' ta'.

Gn 36:2

A Esaú xyij sb'a yet' eb' 'ix 'aj Canaán: 'ix Ada, yisl win Elón win hitita, yet' 'ix Aholibama yisl win Aná, yixchicn win Zibeón, win heveo.

Gn 36:17

Ax eb' yunnal Reuel cha, eb' x'och yajlil, atn eb' tic: Nahat, Zara, Sama yet' Miza, atn jun tzo'n̈ eb' tic x'och pax yajlil 'a scal eb' yin̈tl win Reuel 'a yol yic Edom; smasnil jun tzo'n̈ eb' tic, yixchicn 'ix Basemat, 'ix yistzil Esaú.

Gn 36:19

Smasnil jun tzo'n̈ eb' 'anma tic, yin̈tln̈ej win Esaú, mto win Edom sb'i, x'och eb' yajlil 'a scal eb' yin̈tl cha.