Gn 35:16 - Chuj San Sebastian Bible

¹⁶ Xlajw cha, xyactn can eb' jun lugar Bet-el cha, 'ix cotx eb'. 'Ayt wal sjaw eb' 'a Efrata, 'ix 'alj junx yune 'ix Raquel, yel xo wal yet' yailal x'aj yalj jun 'unn cha.

Chuj San Mateo Bible

¹⁶ Ix lajvi chi' ix yactancan jun lugar chi' eb'. Ayto sc'och eb' d'a Efrata, ix alji jun yune' ix Raquel.

Gn 35:16 Referans Kwoze

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Mt 2:18

Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui, xchi can Jeremías.

Gn 48:7

A yic in meltzj 'a Padan-aram, ata xchamcn 'ix a nun 'a Canaán, yic jab'xoj in jaw 'a Efrata; ata 'ix in mucn a nun 'a sb'el Efrata, xchi Jacob. (A jun lugar cha, tzcuch Belén ticnec).

1 Ti 2:15

A yopiso eb' 'ix, to tzq'uib'tzej eb' yune'. Palta 'oj colchjoc eb', yujto tzya'ch eb' Dios 'a sc'ojol. Toto 'ay schamc'ojlal eb', toto wach' sb'eyb'al eb' 'a sat Dios, tzya'n cuenta sb'a eb', 'oj colchjoc eb'.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Salmos 132:6

A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.

1 Cr 2:19

Ax yic 'ix cham 'ix Azuba, xyi'n pax Caleb chi 'ix Efrata, x'alj jun yunnal yet' 'ix, atn win Hur.

A Ch'an̈ Schab'il Libro Yic Yab'ixal Eb' Rey 5:19

'Ix yaln Eliseo 'a 'ixtic: —May cab' tas tza na'a, xchi 'a 'a. 'Ix 'at Naamán. Jab' nant wal 'ix b'ey'ti,

Rt 1:2

A jun winc cha, Elimelec sb'i, ax yistzil Noemí sb'i, 'a chawn̈ yunnal cha, jun tzcuch Mahlón, ax junx tzcuch Quelión. 'Aj Efrata eb', atn tzcuch pax Belén. 'Ix c'och cajn eb' 'a yol yic lum Moab, axta xcan eb' ta'.

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 3:16

Xyaln pax 'a 'ix 'ix cha: —'Oj wac' ab' syail yic et'x one', ax wa'n niwtjoc a yailal yic 'oj 'aljoc one'. Toxn̈ej 'ay yailal 'oj ela', palta 'oj a nib'cn̈ej echmil. A win winc 'oj 'och ajliloc, xchi 'a 'ix.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

A Ch'an̈ B'ab'el Libro Samuel 4:20

A yic xyiln eb' 'ix 'ix tz'iln sb'ox sc'ojl 'ix to wan scham 'ix, xyaln eb' 'ix 'a 'ix 'ixtic: Man̈ ach xiwoc, yujto winc 'unn jun one tic, xchi eb' 'ix. Palta ma'ix ta'w xon 'ix, 'icha to man̈xtzac yab' 'ix.

A Ch'an̈ B'ab'el Libro Samuel 10:2

A ticnec a yic 'oj qui pojn can qui b'a et' tic, 'oj 'ilchjoc chawn̈ winc e yuj 'a stz'ey 'aj mucb'il 'ix Raquel 'a chon̈b' Selsah 'a yol yic Benjamín. A eb' 'oj alnc 'ayex, chajtlto tox 'ix 'ilchj e no b'uru tze sayc' cha. A 'a mam man̈x 'ayc 'och 'a somc'ojlal yuj e no', palta to 'aych 'a somc'ojlal oj ach tic, tzyaln 'ixtic: ¿Tas 'oj 'aj yilchj win wunnal chi wu'uj? xchi.