Gn 35:11 - Chuj San Sebastian Bible

¹¹ xyaln 'a 'ixtic: An ton Dios in, tztac' wuj smasnil, til wal 'oj 'ajl onnal, til wal pax 'oj 'aj en̈til. A 'aych 'oj pitzwc 'elt jun niwquil nacion̈, axta 'oj 'elx jun tzo'n̈ xo nacion̈, a 'a scal en̈tl cha, ata 'oj 'eltoc eb' rey.

Chuj San Mateo Bible

¹¹ Ayic ix lajvi sq'uexan sb'i vin̈ chi', ix yalan d'a vin̈ icha tic: A in ton Dios in Syal Vuj Smasanil, man̈ jantacoc ol aj uninal yed' in̈tilal. A d'ayach ol pitzvoc jun nación, tzijtum chon̈ab'il ol ajpax elc'ochi. D'a scal in̈tilal chi' ay eb' ol och reyal.

Gn 35:11 Referans Kwoze

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 9:1

'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

2 Co 6:18

'Oj woch e Mamoc. Ax eyoch wunnaloc, wisloc, xchi Cajlilec, atn jun tzta'n̈j yuj smasnil.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Ex 1:7

Palta til wal yunnal eb' x'alj cani. Yuj cha, 'ix niwtj sb'isl eb' israel cha, yel xo wal 'ay smay eb', 'ix b'ut'j 'el smasnil yol yic Egipto chi yuj eb'.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

Gn 32:12

Caw wal wach' xotj alni, to 'aych 'ochn̈ej wet'oc, ax in a tan̈wni, 'ix aln paxi chajtlto til wal 'oj 'aj sb'isl win̈til, 'icha wal yarenail sti a mar, to matz tac' sb'ischji, xchi winac.

Gn 28:14

A eb' en̈tl cha, caw niwn 'oj 'aj eb' 'icha spoccal lum lu'um, ax spuccn 'at eb' 'a stojlal norte yet' 'a stojlal sur. 'Ay pax eb' 'oj 'atcn 'a stojlal 'aj tzq'uel c'u yet' 'a stojlal 'aj tz'em c'u, ax smasnil eb' 'anma 'a yolyib'n̈q'uinl tic, 'oj scha eb' yaxilal 'a a patctacl ach tic, yet' a eb' en̈tl b'aq'uin̈.

Gn 18:18

yujto a 'oj 'och smamc jun niwquil chon̈b' to caw 'ay yip. Tox 'ix wac' in ti 'a 'a; to yu'uj ax schan smasnil chon̈b' 'a yolyib'n̈q'uinl tic in yaxilal.

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 46:3

Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

Gn 9:7

Ax xo tic, niwtj cab' eyunnal, b'ut'j cab' 'el yolyib'n̈q'uinl tic eyu'uj, xchi Dios.

Gn 17:4

—Yaj jun in trato tic 'oj wac' et'oc: To niwn nacion̈ 'oj och smam 'ichmoc.

Gn 36:31

Atn eb' tic xyac' yajlil 'a chon̈b' Edom yic mant 'a sreyl eb' israel.

Gn 47:27

Smasnil eb' yunnal win Israel, xcan eb' 'a Egipto cha, smacn eb' yico'oc lum Gosén, ata xniwtj sb'isl eb'.

Lv 26:42

toto 'ixta', 'oj in na cot in trato yet' Jacob, Isaac yet' Abraham, chajtlto tzwal wac' lum lum 'a yin̈tl eb'.

1 Cr 16:17

Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,

Ex 2:24

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob.

1 Cr 16:16

'Ix yac' 'el'choc strato yet' Abraham yet' sti ya'jnac 'a Isaac.

1 Cr 16:18

yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.