Gn 34:2 - Chuj San Sebastian Bible

² Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.

Chuj San Mateo Bible

² A vin̈aj Hamor heveo, yajal yaj d'a jun chon̈ab' chi'. Ay jun yuninal vin̈ scuchan Siquem. Ayic ix yilanoch ix Dina vin̈aj Siquem chi', ix ixtaj ix yuj vin̈ d'a ac'b'il puralil.

Gn 34:2 Referans Kwoze

Job 31:9

Q'uinloc 'ay 'aj xwixtj paxti junc 'ix 'ix, mto 'ay 'aj xin mac yel-l yistzil junc wit wincal 'a sti yatut,

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Jueces 14:1

'Ay jun tiempoal, 'ix 'at 'ejm Sansón b'eyc'oc 'a jun chon̈b' tzcuch Timnat 'a yol smacb'en eb' filisteo, axta 'ix ya'ch sat 'a jun 'ix cob's filsitea cha.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Dt 22:29

To 'ixta', a win winc cha, yowlal tzyac' win cincuenta q'uen tumn plata 'a smam snun 'ix cob's cha, yujto xyixtj 'el win 'ix. Yuj cha, yowlal tz'ochcn 'ix yistloc winac, matz tac' spojn sb'a win yet' 'ix masnto chamel.

Dt 22:24

to 'ixta', tz'ijx 'at eb' schawn̈il 'a yojltac despacho 'a jun chon̈b' cha, ata tzjulx cham eb' yet' q'uen q'ue'en. Tzcham 'ix cob's cha, yujto yol chon̈b' 'ayc' 'ix, ma'ix 'el yaw 'ix. An̈jtona win winc cha, tzcham winac yujto xyixtj win 'ix 'ix wan yoch yistloc win yit wincal win cha. 'Ixta tzeyutj e satn 'el maysch'olnil 'ayc 'a e cal.

Dt 21:14

Toto ax 'a spatquil xo, man̈xtzac snib'j pax win 'ix, tztac' ya'n 'el win 'ix 'a libre, palta matz tac' schon̈n win 'ix, matz tac' pax tz'och 'ix ya'malc servil winac, yujto tox xjuw 'el 'ix yuj winac.

Gn 33:19

Jun ciente q'uen tumn xyac' win stojloc jun lum chi 'a ewin yunnal Hamor, win smam Siquem. Ata sb'o chan̈ scamplamento.

Gn 20:2

A yic 'ayc' ta', 'ix yalni to a Sara man̈ yistziloc, palta to yanb' xyutj yalni. Ax win Abimelec sreyl Gerar, 'ix 'at 'a'nc cot Sara cha, sec tz'och yistloc yalni.

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

Gn 34:3

Caw wal xcan snab'en win 'a 'ix, yuj cha, xpaxtin win 'a 'ix yet' schamc'ojlal.

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Jueces 9:28

Ax win Gaal cha, xyaln win 'ixtic: —¿Tas yuj a win Abimelec chi tzon̈ 'a'nec mandar? ¿Tas sb'o winac yuj cha, an̈ 'aj Siquem on̈ec tic, an̈ tzon̈ 'och ya'malc servil winac? ¿Tom niwn yel'ch jun yunnal Gedeón cha? 'In a pax win Zebul cob' 'aych qui yajlilc yuj winac. Smoj tzqui nac coti, to a qui mam quichmec, atn win Hamor, atn win b'ojnac chan̈ jun chon̈b' Siquem tic. A cab' junc yin̈tl tz'och qui yajliloc.

Gn 34:27

Xc'och pax jun tzo'n̈ xo ewin yunnal win Jacob cha, tojln̈ej yec' ewin 'a yib'n̈ ewin chamnc cha, x'at yi'nc 'elt ewin smasnil tastc 'ay 'a eb' 'anma cha, 'ixta xyutj ewin ya'n spac, yujto xyixtj win Siquem 'ix yanb' ewin cha.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

A Ch'an̈ Schab'l Libro Samuel 13:14

Palta ma'ix schaj win yab' tas xyal 'ix. 'Ix ya'n pural win sla'n 'ec' c'otn 'ix, yujto 'ec'b'al yip win 'a 'ix, yuj cha, 'ix ya'n ganar win yixtn 'ix.