Gn 34:19 - Chuj San Sebastian Bible

¹⁹ Yuj cha, man̈x 'ic yij 'ec' eb' tiempo, yujto caw xcan snab'en win Siquem chi 'a 'ix yisl win Jacob cha. Cojn pax win niwn yel'ch 'a scal smasnil eb' yunnal win Hamor cha.

Chuj San Mateo Bible

¹⁹ Majxo ec' val nivan tiempo, yujto ay sgana vin̈ d'a ix yisil vin̈aj Jacob chi'. A vin̈aj Siquem chi' an̈ej vin̈ nivan yelc'och d'a scal eb' yuninal vin̈aj Hamor yed' d'a scal eb' sc'ab'yoc.

Gn 34:19 Referans Kwoze

1 Cr 4:9

A Jabes cha, 'ixtc 'ix 'ajx sb'ic yuj snun yujto 'ix yal 'ix 'ixtic: Yet' wal yailal x'aj yalj jun wune tic, xchi 'ix. Caw niwn yel'ch Jabes cha 'a yib'n̈ eb' yu'tac.

A Tas Sc'ulejnac Eb' Schecab' Jesús Hechos 17:12

'Ixta to b'i'an, til wal eb' xya'ch sc'ojl 'a Cristo. Niwn pax eb' griego xya'ch 'a sc'ojol. 'Ay eb' 'ix 'ix checl yaj 'a sat eb' 'anma', yet' pax eb' winac.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 5:13

Yujto may snab'en eb' wit chon̈b' tic, yuj cha, 'oj 'ijxoc 'at eb' 'icha presoal 'a jun tzo'n̈ xo nacion̈. A smasnil 'anma', yet' eb' yajl yaj 'a scal eb', 'oj cham eb' yuj wejel yet' yuj tacn̈ti'al.

Cantares 8:6

Comnoc matz chaj a c'ojl tas tzyal junc xo 'ix 'ix, cojn cab' wic tzchaj a c'ojol. May cab' junc xo mach tza la'coti, cojn in cab' tzin a la'coti. A qui chamc'ojlal 'ayn̈ junjn on̈, 'ay cab' yip 'icha chamel. 'Icha yet'l eb' chamnac, matz yactj 'el tas yamb'il yu'uj, 'ixta cab' qui chamc'ojlal tic, lajn cab' 'icha te stzac'ac' caw ow sn̈ilchji.

A Ch'an̈ Schab'il Libro Yic Yab'ixal Eb' Rey 5:1

'Ay jun winc Naamán sb'i, scapitan̈il eb' soldado yic sreyl chon̈b' Siria. Caw wal xajn yuj syajlil, yujto yu'uj 'ix ya'n Jehová yac' ganar win sreyl chon̈b' Siria owal. A jun winc tic, caw jeln ya'n owal, palta 'aych jun yab'il tzcuch lepra 'a 'a.

A Ch'an̈ B'ab'el Libro Samuel 22:14

Yuj cha, xta'w Ahimelec 'a win rey chi 'ixtic: —¿Mach wal junc 'a scal eb' a checb' tic mamin rey to caw yiclum 'icha David? Yet' pax caw a n̈i winac, yajl pax yaj win 'a eb' soldado tzach tan̈wni, caw tz'ijx chan̈ sb'i win 'a yol a despacho.

Nm 22:15

Palta ax win Balac, ma'ix schaj yab'i', yuj cha, 'ix schecn pax jaywn̈ xo ewin 'ec'b'al yopiso 'a yib'n̈ ewin xit' cha, 'ec'b'al xo sb'isl eb' 'ix 'atxi.

Gn 41:20

A ucwn̈ e no wacx tz'on cha, a e no xchin 'ejm e no ucwn̈ caw b'a'ch cha.

Gn 29:20

'Ixta x'aj smunlj win Jacob uque ab'il yuj 'ix Raquel, caw matz yab' win yec' tiempo cha, yujto caw tzchaml win yet' 'ix.

Gn 34:18

Ax win Hamor yet' win yunnal cha, xchaj sc'ojl eb' 'icha xyal ewin cha.

Gn 34:20

Wal 'a yajn̈ej, x'at win yet' smam 'a spuertail jun chon̈b' cha, 'a 'aj tzyam sb'a 'anma', syamn 'och eb' yaln 'ixtc 'a eb' winc cha: