Gn 33:11 - Chuj San Sebastian Bible

¹¹ Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

Chuj San Mateo Bible

¹¹ Tzin tevi d'ayach to tza cha juntzan̈ silab' ix vic'cot d'ayach, yujto a Dios ix el d'a sc'ol yac'an in b'eyumal tic, malaj jab'oc tas syac' palta d'ayin, xchi vin̈aj Jacob chi'. Ix ochn̈ej tean vin̈ d'a vin̈ yuc'tac chi', yuj chi' ix scha noc' silab' chi' vin̈.

Gn 33:11 Referans Kwoze

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.

A Ch'an̈ Schab'il Libro Yic Yab'ixal Eb' Rey 5:23

'Ix yaln Naamán 'ixtic: Tzin tew 'ayach, to tza chaj waque'oc mil q'uen tumn plata tic, xchi winac. Ya' sb'a wanto stew 'a 'a, 'ix ya'n 'ejm q'uen yet' chab' mojn 'a't pichl 'a yojl chab' coxtal, 'ix ya'n 'a chawn̈ eb' schecab', ax eb' 'ix 'i'n 'ati, 'ix 'at ya'nc eb' 'a yet'l Giezi.

Gn 33:9

—May wu'tac, til wal no wico'; can cab' no et'oc, xchi Esaú.

Gn 30:43

'Ixta x'aj yoch Jacob ricoal, yujto niwn scalnelu, niwn ewin schecab', niwn pax eb' 'ix schecab', niwn scameyo yet' pax sb'uru.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

2 Co 6:10

Wach'xam tz'ajx qui cusc'ojlal on̈, palta smasnil tiempo tzon̈ tzalj on̈. Wach'xam caw meb'a on̈ on̈, palta til wal eb' tz'och ricoal 'a sat Dios cuj on̈. Wach'xam may xon jac tas 'ayn̈ on̈, palta a 'a sat Dios, 'ay smasnil tas 'ayn̈ on̈.

1 Co 3:21

Yuj cha, matz tac' eya'n 'och e nab'en 'a junc 'anma', tze b'an̈n e b'a yu'uj. Yujto xyac' Dios smasnil tas eyico'oc quet' on̈.

Lc 14:23

Yuj cha, xyaln pax win spatron̈ chi 'ixtc 'a 'a: A ticnec, 'ixc 'a jun tzo'n̈ xo caye, yet' 'a jun tzo'n̈ xo b'e. 'At 'ac' pural eb' laj e'n coti, sec wach' 'oj b'ut'joc 'el yol watut tic yuj eb'.

A Ch'an̈ Schab'il Libro Yic Yab'ixal Eb' Rey 2:17

Palta caw wal 'ix tew 'och eb' 'a 'a, sec tzchecx 'at eb' yu'uj, yuj cha, 'ix yalni to tz'at eb'. 'Ix 'at ewin 50 chi 'at say 'a 'oxe c'ual, palta may mach 'ix 'ilchj yuj ewinac.

A Ch'an̈ B'ab'el Libro Samuel 30:26

A yic 'ix c'ochx David 'a chon̈b' Siclag, 'ix schecn 'at schecb' 'a eb' yichm wincal Judá, atn eb' swach'c'ojol, yuj ya'n 'at jac tastc xit' yi'cn 'ec' cha. 'Ix yaln 'at 'ixtc 'a eb': Yaj jab' in siylab' tzwa't 'ayex, atn tastc xit' wi'cn 'ec' 'a eb' 'ajc'ojl yajch 'a Jehová, xchi.

Jueces 1:15

Xta'w 'ix 'a win 'ixtic: Comnoc tz'el wal 'a a c'ojol, tza'cn junc a siylab' 'ayin, ya' sb'a a'jnacx can lum Neguev 'ayin, a cab' pax lum lum 'ay a a 'a sat, a lum tzac' 'ayin, xchi 'ix. Yuj cha xya'n Caleb junx lum lum 'a 'ix, lum 'aj 'ay a a 'a sjolmtac q'ue'i, yet' 'a yoctc 'emta.

Josué 15:19

'Ix ta'w 'ix 'ixtic: —Tzin tew 'ayach, 'in tox 'ix ac' lum cusltac lum 'a Neguev 'ayin, ax ticnec, 'el cab' wal 'a a c'ojol, to tzac' pax junc in lum to 'ay yalil sat, 'ay cab' a tzpac' 'a 'a, xchi 'ix. Yuj cha, xya'n win junx lum 'a 'ix, lum 'aj 'ay a a 'a sjolmtacq'ue'i, yet' 'a yoct 'emt lu'um.

Gn 33:10

Palta ax win Jacob xyac' yip yaln 'a 'ixtic: —May wu'tac, toto wach'n 'a a sat, chaj smasnil jun tzo'n̈ siylab' tic tzwac' 'ayach, yujto a yic tzach wiln tic, 'icha wal to a qui Mam Dios tzwilchi, yujto wach' in otj in a chani.

Gn 33:12

Palta xyaln Esaú 'ixtic: —A ticnec coyec, an tzin b'ab'lj o'oj, xchi.

Gn 32:21

'Ixta xyutj win Jacob ya'n b'ab'ljoc siylab' 'a yojltac, palta xcan to win junx 'ac'wl 'a scamplamento.