Gn 32:28 - Chuj San Sebastian Bible

²⁸ Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Chuj San Mateo Bible

²⁸ Ix yalan d'a vin̈ icha tic: —A ticnaic man̈xo Jacob-oc ol a b'iej, palta Israelxo, yujto ix yal ac'an oval yed' Dios yed' pax anima, xchi.

Gn 32:28 Referans Kwoze

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Gn 35:10

'Ix yaln 'ixtic: Ach tic tza cuch Jacob, palta ticnec man̈x 'ichcta 'oj a b'i'oc, a ticnec tza cuchcn Israel, xchi Dios 'a Jacob. Yic xlajw sjeln can Dios sb'i Jacob,

Gn 17:5

Man̈x Abram 'oj a b'i'oc, palta Abraham 'oj a b'i'oc, yujto niwn nacion̈ 'oj ach wa'ch smam 'ichmoc.

Gn 17:15

Xyaln pax Dios 'a Abraham 'ixtic: —Ticnec yet' 'a ojltac b'aq'uin̈, man̈xtoc Sarai 'oj sb'ic 'ix estzil tic, palta Sara 'oj sb'ic can 'ix.

Is 65:15

A eb' sic'b'il 'el wu'uj, 'oj sc'anlb'oc eb' e b'i yic tzcatb'an eb' junc xo 'anma', an Jehová in, an 'oj ex wac' milxoc chamoc. Palta ax eb' in checab', 'oj in jel-l sb'i eb', 'oj wac' junx 'ac' b'i 'a eb'.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Gn 33:4

Ax Esaú xc'och 'a yojltac muc'uc, x'och la'n̈joc 'a sjaj stz'ub'n 'elt eb' sti jun jun, x'oc' chan̈ eb' schawn̈il.

Jn 1:42

Yajn̈j cha, 'ix yi'n 'at jun yu'tac chi 'a Jesús. 'Ix 'och q'ueln Jesús 'a Simón cha, 'ix yaln 'ixtc 'a 'a: —Ach tic Simón ach, yunnal ach Juan. Palta Cefas 'oj a b'ioc, xchi Jesús. (A Cefas, tzyal 'el'chi, Pedro, mto q'ue'en.)

Gn 25:31

Palta xyaln Jacob 'ixtic: Toto tza ta'wj can a macl yic b'ab'l 'unnab'ilal 'ayin, toto 'ixta', tzwac' tas tza c'uxu, xchi Jacob cha.

A Ch'an̈ Schab'il Libro Yic Yab'ixal Eb' Rey 17:34

Sb'eylb'ejn̈ej eb' 'icha xon sb'eyb'al 'a yaln̈taxi; matz 'och eb' 'emmquilal 'a Jehová, matz yiclj eb' sb'on 'icha yaln sley yet' schecn̈b'il jun 'ix 'ajx sb'eylb'oc eb' yin̈tl Jacob, atn jun 'ix 'ajx sb'ic Israel.

A Ch'an̈ Schab'l Libro Samuel 12:25

Yuj cha, schecn pax cot Jehová win Natán wul yal 'a David, to chamc'ojlb'il jun 'unn chi yu'uj, yuj cha, to Jedidías tz'ajx sbic yuj David.

A Ch'an̈ B'ab'el Libro Samuel 26:25

'Ix 'awj pax Saúl jun 'ejm xo, 'ix yaln 'ixtic: —Ya' cab' Dios swach'c'ojlal 'a eb'n̈ David, to 'icha wunnal aji. Niwn cab' yel'ch tas 'oj a b'o', wach' 'oj 'el'chocn̈ej smasnil, xchi Saúl. Xlajw cha, 'ix pax Saúl 'a yatut, ax David 'ix 'atx can 'a sb'e.

Gn 32:24

Ax Jacob xcan sch'ocoj, 'ay jun winc xyac' owl yet' 'a jun 'ac'wl cha masnto sacb'i.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Nm 13:16

Atn sb'i eb' winc tic 'ix schecb't Moisés yic tz'at yilnc eb' lum Canaán. A win Oseas yunnal Nun, 'ix sjel Moisés sb'i winac, Josué xyac' sb'i'oc.

A Ch'an̈ B'ab'el Libro Yic Yab'ixal Eb' Rey 18:31

'Ix yi'n cot Elías lajchwe q'uen q'ue'en, yujto 'ixta sb'isl eb' yunnal Jacob, atn win 'aj alb'il yuj Jehová to Israel tz'aj sb'i.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Gn 32:27

—¿Tas a b'i? xchi jun winc cha. —Jacob in b'i, xchi.

1 Cr 1:34

A Abraham a 'ay yunnal Isaac. Ax eb' yunnal Isaac, atn Esaú yet' Israel.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.