Gn 31:55 - Chuj San Sebastian Bible

⁵⁵ Ax yic sacb'el 'a junx c'u, 'ix q'ue wan win Labán, stz'ub'n can 'elt sti eb' 'ix yisl cha, yet' eb' yixchiquin; xyaln can wach' paxti 'a yib'n̈ eb', 'ixta to b'i'an xmeltzj 'a slu'um.

Chuj San Mateo Bible

⁵⁵ Axo yic ix sacb'i d'a junxo c'u, ix q'ue vaan vin̈aj Labán chi', ix tz'ub'ancan sti' eb' yixchiquin vin̈ yed' eb' ix yisil vin̈, ix yalancan vach' lolonel vin̈ d'a yib'an̈ eb', ix meltzaj vin̈ d'a spat yed' eb' ajun yed'oc.

Gn 31:55 Referans Kwoze

Gn 31:28

Man̈xtoc xin tz'ub'cn 'elt sti eb' 'ix wisil yet' ewin wi'inchiquin. 'Icha to man̈x 'a jac a nab'en, yuj cha, 'ixta xotj a b'a.

Gn 30:25

Yic tox x'alj win José, xyaln win Jacob 'a win Labán 'ixtic: —A ticnec chaj in pax 'a 'in lu'um.

Gn 18:33

Ax yic xlajw spaxtin eb' cha, 'ix 'at Jehová. Ax Abraham 'ix meltzj can pax 'a smantiado.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Rt 1:14

'Ix 'oc' eb' 'ix jun 'ejm xo, xlajw cha, 'ix stz'ub'n can 'elt 'ix Orfa sti 'ix yalb' cha, xyaln can sb'a 'ix 'a 'ix. Ax 'ix Rut, xcancn 'ix yet' 'ix yalb' cha.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Dt 23:5

Palta ax Jehová qui Diosalec, ma'ix schaj yab' tas 'ix yal Balaam. A scatb' cha, 'ix meltzj 'och qui wach'loquec yuj Jehová, yujto caw 'ay schamc'ojlal 'ayn̈ec.

Nm 24:25

Xlajw xoj cha, 'ix pax Balaam 'a schon̈ab', 'ixta pax win Balac, 'ix paxcn win 'a yatut.

Nm 23:11

A yic xyab'n Balac to 'ixta yaln Balaam, yuj cha, 'ix yaln 'a 'ixtic: —¿Tas wal jun wan a b'on tic? Yuj a catb'tzan jun tzo'n̈ 'anma 'ajc'ojl yajch 'ayn tic, yuj cha, ach wi'n coti, ax pax tzotej, 'in to a wach' paxti tzal-l 'a yib'n̈ eb', xchi.

Nm 23:8

Palta, ¿tas wal tzwutj in catb'tzan junc 'anma', toto man̈oc Dios tzcatb'tzani? ¿Tas wal tzwutj waln can 'el tu paxti'al 'a yib'an̈, toto man̈oc Jehová tzalni?

Nm 23:5

Yuj cha, 'ix yaln Jehová 'a Balaam tas 'oj yutc paxtinc sb'a, 'ix yaln 'a 'ixtic: —A ticnec, meltzjan̈ 'a 'aj 'aycn Balac, tzaln 'a 'icha xwutj waln 'ayach, xchi.

Gn 33:4

Ax Esaú xc'och 'a yojltac muc'uc, x'och la'n̈joc 'a sjaj stz'ub'n 'elt eb' sti jun jun, x'oc' chan̈ eb' schawn̈il.

Gn 31:43

Yuj cha, xyaln win Labán 'a win Jacob 'ixtic: —Wisl eb' 'ixtic, wi'inchicn eb' tic, yet' smasnil no calnelu tic, wic e no', smasnil tas 'ay 'a tic wico', palta jun, ¿tasto wal tzwutj eb' 'ix wisil, yet' yune eb' 'ix?

Gn 28:1

Yuj cha, xyawtn cot Isaac win Jacob, syamn 'och yaln can wach' paxti 'a yib'an̈, xyaln can jun checnb'il 'a 'ixtic: Man̈ ec' a b'a yet' junc 'ix 'aj Canaán tic.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.