Gn 31:37 - Chuj San Sebastian Bible

³⁷ Smasnil tas 'ay 'ayin, c'uxn tza say ela', ¿tas 'ay 'a atut x'ilchj 'oj ticnec? 'Ac' 'ejm 'a tic, 'a sat eb' wican ajun wet' tic, yet' 'a sat eb' ecan ajun et' tic, sec wach' a eb' tztac' yalni machn̈ yel tzcala.

Chuj San Mateo Bible

³⁷ Masanil in c'ael tza say ila', ¿tas junoc ic ix ilchaj uj ticnaic? Ch'ox d'a yichan̈ eb' vin̈ ed'nac tic yed' d'a yichan̈ pax eb' vin̈ ved'nac tic, yic vach' a eb' vin̈ syal yalani mach on̈ yel scala'.

Gn 31:37 Referans Kwoze

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

Mt 18:16

Palta toto matz chaj yab' 'ayex, wach' tzeyij 'at jun chawn̈oc mach tz'at alnoc eyet' 'a 'a. 'Ay cab' chawn̈oc mto 'oxwn̈oc testigo, sec wach' 'ay yip smasnil tas tzalxi, 'icha tzyal 'a spaxti Dios tz'ib'b'il cani.

Josué 7:23

'Ix yi'n cot eb' 'a Josué, sch'oxn eb' yil smasnil eb' chon̈b' cha. Xlajw cha, xya'n 'och eb' 'a yojltac Jehová.

Gn 31:32

Palta toto a 'a junc eb' 'ayc' 'a tic, 'ayc' jun tzo'n̈ a diosal chi 'a 'a, tztac' schami. Ax eb' 'ayc' quet' tic, tztac' ya'n testigoal sb'a eb', say ela', toto 'ay jac ec 'ayc' 'ayin, tztac' e'n paxi, xchi Jacob. Palta man̈ yojcoc Jacob toto a 'ix Raquel x'elc'n cot sdiosal smam cha.

Gn 31:36

Yuj cha, xcot yowl win Jacob 'a Labán, xyaln 'ixtic: —¿Tas wal in mul x'och 'ayach? ¿'Ajtil 'ay in mul, yuj cha, tzach 'och tza'n wu'uj?

Gn 31:38

Junc'l ab'il in munlj et'oc, may wal junc a calnelu mto junc no a chiwo x'ec' yune', may pax junc no 'a mam calnelu xin chi'ejmi.