Gn 31:35 - Chuj San Sebastian Bible

³⁵ Yuj cha, xyaln Raquel 'a win 'ixtic: —Mamin, matz cot cab' owl 'ayin, yujto matz in q'ue wan 'a ojltac, yujto a ticnec, yujl yel a a 'ayin, xchi cob' 'ix. Ax Labán an̈ja yec' say jun tzo'n̈ sdiosal cha, palta matz 'ilchj yu'uj.

Chuj San Mateo Bible

³⁵ Ix yalan ix Raquel d'a vin̈ icha tic: —Mamin, mocab' cot oval d'ayin, yujto max yal-laj in q'ue van d'a ichan̈, yujto a ticnaic ya'ay in yuj sb'isul uj, xchi ix, ton̈ej ix tz'ac yal ix. Axo vin̈aj Labán jun, ix ec'chaj vin̈ say sdiosal chi', palta maj ilchajlaj.

Gn 31:35 Referans Kwoze

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.

A Sb'ab'el Carta San Pedro 2:18

Ax xo moso eyaj 'a eb' e patron̈, yiclum tzeyutj e b'a. Niwn cab' yel'ch eb' 'a e sat. Man̈ cojnoc eb' wach' snab'en, eb' manso tzyutj sb'a 'aj tzeyiclej. Tzeyicljn̈ej pax 'a eb' tu snab'en.

Ef 6:1

Ax xo ex 'unnab'il, caw yiclum tzeyutj e b'a 'a e mam e nun, yujto creyente ex. Caw wach', toto 'ixta tzeyutj e b'a.

A Ch'an̈ B'ab'el Libro Yic Yab'ixal Eb' Rey 2:19

Xlajw cha, 'ix 'at 'ix Betsabé chi paxtinc yet' win rey Salomón yuj Adonías. Ax xyiln win rey, 'ix 'ochch snun, yuj cha, 'ix q'ue wa'an, 'ix 'em n̈ojn 'a yojltac snun cha. Xlajw cha, x'ejm pax wocn 'a sdespacho, 'ix ya'n 'ijxc cot jun niwquil xila 'aj tz'em wocn snun chi 'a swach' c'ab'.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lv 15:19

A yic stiempoal yel a a 'a junc 'ix 'ix, man̈ wach'c 'ix 'a yol uque c'ual. Tzann̈j mach tzyamn junc 'ix cha, mant wach'oc masnto yic tzq'uic'b' 'ejmi.

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 31:34

Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

Gn 31:36

Yuj cha, xcot yowl win Jacob 'a Labán, xyaln 'ixtic: —¿Tas wal in mul x'och 'ayach? ¿'Ajtil 'ay in mul, yuj cha, tzach 'och tza'n wu'uj?