Gn 31:3 - Chuj San Sebastian Bible

³ An̈jtona', 'ix yaln pax Jehová 'a Jacob 'ixtic: Meltzjan̈ 'a slum a mam echam, 'a 'aj 'ayc' eb' ecan, 'oj woch et'oc, xchi Dios.

Chuj San Mateo Bible

³ Axo Jehová ix alan d'a vin̈ icha tic: Meltzajan̈ d'a slum a mam icham b'aj ayec' eb' a c'ab' oc, ol in b'atn̈ej ed'oc, xchi d'a vin̈.

Gn 31:3 Referans Kwoze

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 32:9

Yajn̈ej syamn 'och sleslwi 'ixtic: Ach in Diosal, ach sDiosal in mam 'ichm Abraham, yet' in mam atn Isaac, ach 'ix ala to tzin meltzj 'a in lu'um, yet' 'a scal eb' wican, xalni to 'aych 'och wet'oc sec wach' tzin 'aj 'el'chi.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Gn 31:13

An ton Dios in, xin ch'ox in b'a 'aych 'a Bet-el, 'a 'ajtil a secjnac can q'ue aceite 'a yib'n̈ jun q'uen q'ue'en, atn 'a 'aj a'jnac can a ti 'ayin. A ticnec 'ixc muc'uc, 'eln̈ 'a jun lugar tic, tzach meltzj 'a a lu'um, 'a 'aj 'aljnac ach, xchi Dios 'ayin, xchi Jacob 'a eb' 'ix yistzil cha.

Gn 21:22

Atn 'a yic jun tiempoal cha, 'ix 'at Abimelec paxtinc yet' Abraham, ajun win Ficol yet'oc, sat yajl yaj 'a scal eb' soldado. Ax Abimelec 'ix yaln 'a Abraham 'ixtic: —Xwila to a Dios 'aych et' 'a smasnil tas tza b'o'o.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Gn 35:1

Xlajw cha, 'ix yaln Dios 'a Jacob 'ixtic: 'Eln̈ 'a tic, tzach 'atcn 'a Bet-el, ata tza b'o junc yet'l xajmb'al 'ayn an Dios in tic, yujto ata xin ch'ox in b'a 'ayach, yic wan a 'at 'elc 'a ni o'tac Esaú, xchi.

Gn 30:25

Yic tox x'alj win José, xyaln win Jacob 'a win Labán 'ixtic: —A ticnec chaj in pax 'a 'in lu'um.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 28:4

'Oj ya'cn smasnil yaxilal 'ayach yet' 'a smasnil eb' en̈til, atn jun yaxilal 'a 'aj xya'cn Dios sti ya'n 'a a mam 'ichm Abraham, sec wach' 'oj 'och lum lum tic eco'oc, lum 'ajtil ton̈j cajn on̈ 'ec' tic, yujto caw a Jehová, a 'ix altn lum 'a a mam 'ichm cha, xchi Isaac.

Gn 26:24

A 'a yic jun 'ac'wl cha, ata sch'ox sb'a Jehová 'a 'a, 'ix yaln 'a 'ixtic: An ton tic sDiosal in a mam, atn Abraham, man̈ ach xiwoc, 'ayn 'och et'oc. Yujn̈ej to in checb' Abraham, yuj cha, 'oj wac' yaxilal 'a eb'an̈, til wal 'oj wutc sb'isl en̈til, xchi Dios.

Gn 13:15

A smasnil jun lum wan eln 'at tic, an tzwac' 'aych 'a jun 'ejmn̈ej, yic pax smasnil eb' en̈tl b'aq'uin̈.

Salmos 90:15

Tzqui nib'j on̈ to niwn cab' yab'lilal tzac' quil jac tzaljc'ojlal, 'icha yab'lil yailal x'ec' 'a quib'n̈ on̈.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Gn 31:2

Xyiln pax 'och Jacob to a win Labán ow xoj tzyutj win sat 'a 'a, man̈x 'ichaoc 'a yic yalan̈.

Gn 31:4

Xlajw cha, x'at ya'nc Jacob 'ijxoc cot eb' 'ix yistzil, atn 'ix Raquel yet' 'ix Lea, sec wach' tzjaw eb' 'ix 'a 'aj tz'ilw calnelu win cha.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Gn 32:5

A ticnec 'ay in wacax, in calnelu, in chiwo, in b'uru, ewin in checab' yet' eb' 'ix in checab'. Tzwalb't jun 'ab'x tic 'aych mamin Esaú, yujto tzin nib'j tzin 'och 'a junc'ojlal et'oc, xchi Jacob, xe chi 'a 'a, xchi 'a eb'.

Gn 32:10

Caw man̈ in mojc tzac' a chamc'ojlal 'ayin, yet' a wach'c'ojlal 'aych wet'oc. 'Ix in ej 'e't 'a a Jordán yic cojn jun in c'occh wet'i, ax ticnec chab' xo camplamento tzin 'aj 'el'chi, 'ayx pax tas 'ay 'ayin.