Gn 31:19 - Chuj San Sebastian Bible

¹⁹ Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Chuj San Mateo Bible

¹⁹ Yacb'an ayb'at vin̈aj Labán chi' d'a junxo lugar joxoj calnel, axo ix Raquel ix elc'ancot sdiosal vin̈ ayoch d'a yol spat.

Gn 31:19 Referans Kwoze

A Ch'an̈ B'ab'el Libro Samuel 19:13

Yajn̈j wal cha, xyi'n cot 'ix Mical chi jun comn dios, xya'n q'ue 'ix 'a sat ch'at. Xya'n q'ue 'ix nan̈l no xil chiwo 'a sjolom. Xya'n q'ue 'ix jun te sábana 'a yib'an̈.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Gn 31:30

Ocxo jun, toxn tza nib'j paxt xon a b'a 'a yatut a mam, yuj cha, ach coti. Palta ¿tas yuj xel'j cot jun tzo'n̈ in diosal? xchi winac.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Gn 35:2

Yuj cha, xyaln win Jacob 'ixtc 'a eb' yunnal yet' 'a eb' yisil, yet' 'a smasnil eb' 'ayc' yet'oc: —'Ijec 'el smasnil jun tzo'n̈ yechl comn dios 'ayc' 'a e cal tic, tzlajw cha, tzex 'achni, tze jeln e pichl e masnil.

Gn 31:34

Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

Gn 31:32

Palta toto a 'a junc eb' 'ayc' 'a tic, 'ayc' jun tzo'n̈ a diosal chi 'a 'a, tztac' schami. Ax eb' 'ayc' quet' tic, tztac' ya'n testigoal sb'a eb', say ela', toto 'ay jac ec 'ayc' 'ayin, tztac' e'n paxi, xchi Jacob. Palta man̈ yojcoc Jacob toto a 'ix Raquel x'elc'n cot sdiosal smam cha.

Jueces 18:31

A jun yechl sb'o Micaía, a xya'ch eb' sdiosalc 'a smasnil tiempo, yic 'ayc' scajnub' Dios 'a chon̈b' Silo.

Josué 24:2

'Ix yaln Josué chi 'ixtc 'a smasnil eb' chon̈b' cha: —A Jehová qui Diosalec an̈ israel on̈c tic, a aljnac can 'ixtic: A yic pecti', ata cajn win e mam eyichm 'a sc'axpil 'ec' a Eufrates, atn win Taré yet' chawn̈ yunnal, jun win tzcuch Abraham, ax junx winac, Nacor sb'i, ata tzyac' servil eb' jun tzo'n̈ comn dios.

Gn 31:20

Ax Jacob xc'ultac 'elt 'a win Labán cha.

Gn 31:35

Yuj cha, xyaln Raquel 'a win 'ixtic: —Mamin, matz cot cab' owl 'ayin, yujto matz in q'ue wan 'a ojltac, yujto a ticnec, yujl yel a a 'ayin, xchi cob' 'ix. Ax Labán an̈ja yec' say jun tzo'n̈ sdiosal cha, palta matz 'ilchj yu'uj.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

A Ch'an̈ Schab'il Libro Yic Yab'ixal Eb' Rey 23:24

An̈jtona', c'uxn 'ix yac' Josías satl smasnil eb' 'ajchum, eb' tzc'umn spixn eb' chamnac, eb' comn dios 'ay 'a yoltc n̈a, yet' pax smasnil jun tzo'n̈ to yajb'il yuj Jehová 'ay 'a Judá yet' 'a Jerusalén. 'Ixta xyutj yiclni jun tzo'n̈ ley tz'ib'b'il can 'a ch'an̈ libro 'ix 'ilchj yuj Hilcías ya'mal 'och sti eb' 'anma 'a Dios 'a yatut Jehová.

Gn 24:38

Yuj cha, tzach 'at a say yistzil ni wunnal tic 'a scal eb' 'ayt wuj in b'a yet'oc, ata tzach 'ati, xchi.

Gn 38:13

A yic xyab'n 'ix Tamar speclal, to x'at win yalb' 'ix 'a Timnat, 'at yil win sjoxx scalnelu,

A Ch'an̈ B'ab'el Libro Samuel 25:2

A 'a yol yic Maón, ata 'ay jun winc tzcuch Nabal, yin̈tl can Caleb; caw wal rico si'mb'il, 'oxe mil scalnelu, jun mil schiwo. 'Ay slum 'a sla'nil chon̈b' yic Carmel, ata tzjoxl scalnelu. Caw yel xo tu snab'en. Abigail sb'i yistzil, caw wach' yilx 'ix, caw 'ay snab'en 'ix.

A Ch'an̈ Schab'l Libro Samuel 13:23

Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc.