Gn 30:27 - Chuj San Sebastian Bible

²⁷ Xyaln win Labán 'a win 'ixtic: —Ma'ay, tzin tew 'ayach to wach'n̈j aj wet'oc, yujto x'ajx wojcoc 'eli, to ojn̈ej yuj cha, 'ay syaxilal Jehová 'a wib'an̈.

Chuj San Mateo Bible

²⁷ Axo ix yalan vin̈aj Labán chi' d'a vin̈ icha tic: —Maay, tzin tevi d'ayach to vach'n̈ej ajec' ved'oc, yujto ix in naeli to uujn̈ej ay svach'c'olal Jehová d'a vib'an̈.

Gn 30:27 Referans Kwoze

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Rt 2:13

Xlajw cha, 'ix ta'w 'ix 'a winac: —Caw wach' a nab'en 'ayin. A jun tzo'n̈ a paxti tzal 'ayn tic, caw tzjaw in tzaljc'ojlal yu'uj. Caw wach' a paxtin 'ayin, wach'xam man̈ in lajnoc yet' junc eb' 'ix a'mal servil tic, xchi 'ix Rut cha.

Gn 26:24

A 'a yic jun 'ac'wl cha, ata sch'ox sb'a Jehová 'a 'a, 'ix yaln 'a 'ixtic: An ton tic sDiosal in a mam, atn Abraham, man̈ ach xiwoc, 'ayn 'och et'oc. Yujn̈ej to in checb' Abraham, yuj cha, 'oj wac' yaxilal 'a eb'an̈, til wal 'oj wutc sb'isl en̈til, xchi Dios.

Ex 3:21

An̈jtona', an 'oj wac' snab'enoc eb' 'aj Egipto cha, sec 'ay eyel'ch 'a sat eb', caw wal tzaljc'ojlal 'oj eyaj eyelta, may tas ma'oj eyic' ax eyelta.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 47:25

Yuj cha, xta'w eb' 'anma chi 'ixtic: —Caw wal wach' a nab'en mamin, man̈ on̈ a cha chamoc. A ticnec tzon̈ 'ochcn schecb'oc win rey, xchi ewinac.

Gn 33:15

—'Ixta cab' 'an, tztac' tzcan jaywn̈oc ewin in checb' tic colwjoc et'oc, xchi Esaú. Palta xyaln win Jacob 'ixtic: —Ma'ay, yuj wal dios 'ayach, may tas tza na wu'uj, xchi winac.

Gn 30:30

'In ojtac to jaywn̈ej no 'a cajb'en noc' tic yic in jawi, ax ticnec, caw wal xniwtj sb'isl no'. Yictax in jaw cha, syamn 'och Jehová ya'n syaxilal 'a eb'an̈. A ticnec, ¿b'a'n̈ 'oj wi'l yich wiln wic yet' eb' wunnal? xchi.

Gn 18:3

'Ix yaln Abraham 'a eb' 'ixtic: —Ex wajlil, tzin tew 'ayex mant ex 'atoc.

Dn 1:9

Ax Dios 'ix 'a'n 'och Daniel wach'l 'a sat win Aspenaz cha.

A Ch'an̈ B'ab'el Libro Yic Yab'ixal Eb' Rey 11:19

A Hadad cha, caw wach' 'a sat win rey cha, yuj cha, xya'n win rey chi jun 'ix smu yistloc winac, atn 'ix snul'j 'ix reina tzcuch Tahpenes.

Nm 11:15

Toto 'oj a'n̈j jun yailal tic 'ayin, yel xo wach' tzin a mil chamoc; palta toto 'ay wal a chamc'ojlal 'ayin, 'ij in 'el 'a scal jun tzo'n̈ yailal tic, xchi Moisés.

Gn 34:11

Xyaln pax win Siquem 'ixtc 'a win Jacob smam 'ix Dina cha, yet' 'a ewin snul'j 'ix. —Tzann̈j tas tze c'an 'ayin, 'oj wac' 'ayex.

Is 65:8

Palta ma'oj in satl eb' in checb' smasnil 'a jun nacion̈ tic, yujto 'ayt jaywn̈ocx eb' wach' 'a scal eb'. Lajn eb' 'icha junc c'ojlab' te sat uva 'aych tz'ab' 'a 'a, palta a 'a scal cha, 'ayt junjnoc te wach', yuj cha, matz comn xutx 'el yuj eb' 'anma', yujto 'ayt yalil wach' yi'n 'elt eb'. 'Icha te uva cha, 'ixta waj yet' eb' in checab'.

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Nehemías 2:5

'Ix waln 'a win rey 'ixtic: —Toto wach' tzab' mamin rey, toto wach'n an a checb' in tic 'a a sat, tzin c'an 'ayach to tzin a chaj 'at 'a Judá, atn 'a jun chon̈b' 'aj mucn eb' in mam wicham, to tz'at in b'ox can chan̈ sjel, xin chi 'a winac.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

A Ch'an̈ B'ab'el Libro Samuel 16:22

Xlajw cha, xya'n 'at Saúl chi jun schecb' 'a Isaí, xyaln 'at 'a 'ixtic: —Tzin c'an 'ayach, to tzcancn David tic wet'oc, yujto caw wach' 'ayn tzwila, xchi.

Nm 11:11

'Ix yaln Moisés 'a Jehová 'ixtic: —¿Tas yuj tzac' wil yailal an a checb' in tic? ¿Tas wal yowl a c'ojl 'ayin, yuj cha, tza'n jun chon̈b' tic in tan̈woc?

Gn 44:5

jun svaso 'aj tzyu'j yal uva, tzc'anlb'an pax 'a yic tznan 'el junc paxti'? Caw wal tu tas tze b'o ax tic, xa chi 'a eb', xchi José cha.

A Ch'an̈ Schab'l Libro Samuel 6:11

'Oxe 'uj xcan te 'a yatut winac, ax Jehová, a x'a'n syaxilal 'a yib'n̈ win Obed-edom cha, yet' 'a yib'n̈ smasnil eb' cajn 'a yol yatut winac.