Gn 30:15 - Chuj San Sebastian Bible

¹⁵ Xyaln 'ix Lea chi 'ixtc 'a 'ix: —'In ejnac 'ec' wichmil, ax pax ticnec, tza nib'j pax tza c'anc' te mandrágoras tic xyij cot ni wune tic, xchi 'ix. —Toto tzac' te mandrágoras chi 'ayin, tztac' a way yet' Jacob 'a jun 'ac'wl tic, xchi 'ix Raquel cha.

Chuj San Mateo Bible

¹⁵ Ix yalan ix Lea chi' icha tic d'a ix: —¿Tom man̈ c'ocb'iloc ix iq'uec' vin̈ vetb'eyum, axo ticnaic, snib'ej a c'ol tza c'anec' an̈ mandrágora ix yic'cot vin̈ vune' tic? xchi ix. —Ac' an̈ d'ayin, tato icha chi' syal svay vin̈aj Jacob ed'oc d'a jun ac'val tic, xchi ix Raquel chi'.

Gn 30:15 Referans Kwoze

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

1 Co 4:3

Palta an tic, matz in 'och 'il, toto ax tzin e b'eyc'ojlej yuj jun wopiso tic. Wach' cab' chuc jun tzo'n̈ocx eb' tzin b'eyc'ojlani, palta matz in na xon jab'oc. An̈jtona 'in, matz tac' in b'eyc'ojlan in b'a yuj jun wopiso tic.

Ez 16:47

'Ix 'och tza'n Jerusalén yuj sb'eyb'al eb', caw yajb'entac tas x'el sb'oni. Man̈ cojnoc cha, palta yel xo wal tu 'ix yutj sb'a 'a yib'n̈ eb' chab' chon̈b' cha.

Is 7:13

Yuj cha, xyaln Isaías chi 'ixtic: Ex yin̈tl can David 'ab'c tas 'oj wala'. Caw may yel'ch e tzuntzn eb' eyit 'anma'il ¿Tom tze nib'j tze tzuntzj qui Diosalec 'icha tzeyutj eb' cha?

Gn 30:14

'Ay jun c'ual, 'ix xit'c win Rubén b'eyc'oc 'a scalcte', yic stiempoal spolx 'ixm trigo; ata x'ilchj jun tzo'n̈ te te tzlox sat yuj winac, mandrágoras sb'i te'. Xyi'n 'at win te 'a 'ix snun cha; ax yic xyiln 'ix Raquel sat te te cha, xyaln 'a 'ix Lea 'ixtic: Tzin tew wal 'ayach, 'ac' junc te mandrágoras chi 'ayin, te xyij cot ni one cha, xchi 'ix.

Gn 30:16

Ax yic sq'uic'b'alil xo, xmeltzj Jacob 'a smunljel, yajn̈j wal cha, x'at 'ix Lea 'at scha winac, xyaln 'ix 'a win 'ixtic: —A ticnec 'oj a way wet'oc, yujto xwac' te mandrágoras a majnnub'loc 'a 'unx in nul'j Raquel, te xyij cot ni wune', xchi 'ix 'a winac. Yuj cha, xway Jacob yet' 'ix 'a jun 'ac'wl cha.