Gn 3:7 - Chuj San Sebastian Bible

⁷ Xlajw slon eb' te', 'ix nachj 'el yuj eb' to jitn 'el eb', yuj cha, syamn 'och eb' stz'isn syam sb'a xil te higo, xya'n 'och eb' yen̈loc yojltac.

Chuj San Mateo Bible

⁷ A d'a jun rato chi', ix nachajel yuj eb', ix yilanoch sb'a eb' to b'eranel eb', yuj chi' a xil te' higo ix smol eb', ix stz'isan eb' spichuloc, yic tz'och d'a snan̈al eb'.

Gn 3:7 Referans Kwoze

Is 59:6

A jun tzo'n̈ ch'alxim cha, may 'aj wach' sc'anxi, matz tac' sb'o spichloc 'anma'. 'Icha jun tzo'n̈ ch'alxim cha, 'ixta tas nab'il eyu'uj, cojn 'ixtj 'anma 'ayc' 'a e nab'en, tze b'on tas tu 'icha tze nib'ej.

Gn 2:25

A Adán yet' 'ix yistzil cha, may spichl eb' 'aychi, palta matz q'uixw junjn eb' 'a 'a.

Gn 3:5

Yujto yojc Dios, to a yic 'oj e lon sat te', 'oj jacwc e nab'en, tz'acn 'oj 'aj e jelnal 'icha Dios, 'oj nachjoc 'el tas wach' yet' tas tu eyu'uj, xchi no 'a 'ix.

Is 28:20

Lajn 'oj eyajcn 'icha mach tzway 'a sat junc ch'at yune ste'il, matz tac' sjiln 'at yoc 'a sat; yet' junc c'u yune sat, matz tac' spichn 'och 'a 'a.

A Ch'an̈ Schab'il Libro Yic Yab'ixal Eb' Rey 6:20

A yic 'ix c'och eb' 'a Samaria cha, 'ix leslwi pax Eliseo 'ixtic: Mamin Jehová, 'ac' b'oxc snab'en eb', sec to 'oj yilx eb', xchi. 'Ix sjacn Jehová sat eb', ax xyiln eb' to 'ayx 'ec' eb' 'a yol chon̈b' Samaria.

Dt 28:34

A yic 'oj eyilnc smasnil jun tzo'n̈ tic, ax scot owya 'a e jolm yu'uj.

Lc 16:23

Palta ax spixan, ata xc'och a 'aj 'ay spixn eb' chamnac. Ax yic wan yab'n win syal 'a 'aj 'ayc' cha, xq'ue q'uelan. 'Ix yiln q'ue 'a caw najat, 'ayc' Lázaro yet' Abraham ta'.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Lm 1:8

A eb' 'anma 'a chon̈b' Jerusalén, caw wal x'och smul eb', yuj cha, 'ix chacx 'el eb'. A eb' niwn yel'ch jun chon̈b' chi 'a sat 'a pecti', ax ticnec, caw tzyaj eb', yujto xyac' sq'uixwloc 'a sat eb'. Yuj cha, caw wal tz'oc' eb' 'aj Jerusalén, man̈xtzac sch'ox eb' sat yuj q'uixwelal.

Jueces 3:2

'Ix can eb', sec wach' a eb' yin̈tl Israel tzcuy sb'a eb' ya'n owal, atn eb' mant 'a xon 'aj tzyac' owal.

1 Co 12:23

Yet' jun tzo'n̈ tas 'icha to may yel'chi, atn wal jun tzo'n̈ chi yel xo 'ay yel'ch 'a qui satec. A jun tzo'n̈ tas man̈ wach'c yilxi, tzca'c 'och spichul. 'Ixta tzcutjec qui ch'oxni, to 'ay yel'ch 'ayn̈ec.