Gn 3:10 - Chuj San Sebastian Bible

¹⁰ 'Ix ta'w win 'ixtc 'a 'a: —Waj 'a tic. 'Ix wab'i to tzach 'ec' 'a scal te 'awb'ente tic, in xiw cha'an̈, yujto jitn in 'eli, yuj cha, xin c'ub'n 'el in b'a, xchi winac.

Chuj San Mateo Bible

¹⁰ Ix tac'vi vin̈: —Ina vajec' tic, ix vab'i to van ec' d'a scal te' avb'en te' tic, ix in xivb'ati yujto b'eran in eli, yuj chi' ix in c'ub'ejel in b'a, xchi vin̈.

Gn 3:10 Referans Kwoze

Gn 2:25

A Adán yet' 'ix yistzil cha, may spichl eb' 'aychi, palta matz q'uixw junjn eb' 'a 'a.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

1 Jn 3:20

Wach'xam cojquec to may qui ch'olnil, palta ax Dios yel xo 'ec'b'al yel'ch 'ayn̈ec. Yojcn̈ej smasnil tas.

Job 23:15

Yuj cha, caw wal tzin xiw 'a 'a, cojn wal yic tzin nan coti, caw tzin 'ib'x chan̈ yuj xiwlal.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

Ex 32:25

'Ixta to b'i'an, 'ix nachj 'el yuj Moisés to a eb' 'anma cha, schaj sc'ojl eb' ya'n squixwloc 'a sat eb' 'ajc'ojl yajch 'a eb', man̈x 'ic tenchj 'och wan eb' yuj Aarón.

Gn 3:7

Xlajw slon eb' te', 'ix nachj 'el yuj eb' to jitn 'el eb', yuj cha, syamn 'och eb' stz'isn syam sb'a xil te higo, xya'n 'och eb' yen̈loc yojltac.

Gn 3:11

'Ix sc'anb'n Dios 'ixtc 'a winac: —¿Mach x'a'n ojcoc 'eli chajtlto jitn ach 'eli? ¿Tope wal 'ix a lo sat te te 'ix wal 'ayach to matz a lo'o? xchi.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Dt 5:25

Ax ticnec, ¿tas pax tz'aji? ¿tom an̈j 'ijnoc tzca'c chamc qui b'a yuj jun niwquil c'ac' cha? Toto tzon̈ 'atc pax cab' spaxtin Jehová qui Diosalec jun 'ejm xo, 'oj qui chamec.

Job 31:33

May 'aj xin c'ub'j 'el in mul 'icha tzyac' jun tzo'n̈ xo eb', may 'aj c'ultac yaj in mul wu'uj,