Gn 29:14 - Chuj San Sebastian Bible

¹⁴ Xyaln Labán 'a 'ixtic: Wal yel caw wal junn̈j to quin̈tl et'oc, xchi 'a winac. Yuj cha, xcancn Jacob yet' Labán jun 'ujal.

Chuj San Mateo Bible

¹⁴ Ix yalan vin̈aj Labán chi' d'a vin̈ icha tic: Val yel te a on̈to och ed'oc, xchi vin̈. Jun ujal ix can vin̈ yed' vin̈aj Labán chi'.

Gn 29:14 Referans Kwoze

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.

Gn 2:23

Ax yic xyiln 'och win 'ix, xyaln win 'ixtic: A jun tic in chib'jal, in b'aquil, yujto a 'ayn x'elt yuj Dios, yuj cha, 'ix 'oj sb'ioc, xchi winac.

A Ch'an̈ Schab'l Libro Samuel 5:1

Xlajw cha, smasnil eb' yin̈tl Israel 'ix wulc' eb' paxtinc yet' David 'a Hebrón, xyaln eb' 'a 'ixtic: An̈ tic caw wal 'ayt cuj qui b'a et'oc.

Miqueas 7:5

Man̈ eya'ch 'a e c'ojl tas tzyal eb' cajn 'a e tz'ey, man̈ eya'ch junc e wach'c'ojl yipc e c'ojol. Tzcham wal e nan tas tzeyal yet' eyistzil.

Gn 29:15

Ax yic xlajw jun 'ujl cha, xyaln Labán 'ixtc 'a Jacob: —A ticnec, toxn̈ej 'ayt cuj qui b'a et'oc, palta ma'oj stac' ton̈j tzach munlj 'ayin, yic may jac tas 'oj ac' ganar. Al 'ayin jantc 'oj ach in tojo', xchi winac.

Gn 29:12

'Ix yaln Jacob 'a Raquel cha, chajtlto yune 'ix Rebeca winac, 'ix yanb' win Labán, yuj cha, carela x'at 'ix, yic tz'at yalnc 'ix yab' smam cha.

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Ef 5:30

yujto 'icha to caw sniwnal cajec.

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

Gn 37:27

Wach' to tzqui chon̈c 'el 'a eb' ismaelita tzjaw cha; man̈ qui milc chamoc, yujto cu'taquec qui b'a yet'oc, xchi Judá. Xchan sc'ojl smasnil eb' yu'tac 'a tas xyal cha.