Gn 27:4 - Chuj San Sebastian Bible

⁴ Tza b'on junc schib'l woch tan tz'aji, wach' tz'aj 'icha wal tzin nib'ej. A yic tzb'o 'el'ch o'oj, tze'n cot 'ayin, ax in wa yet'oc. Ya' sb'a tzin wa cha, ax waln can in wach' paxti 'a eb'an̈, yic mantzac in chami, xchi.

Chuj San Mateo Bible

⁴ Tza b'oan junoc in vael te vach', icha val in gana. Ayic toxo ix b'oi, tzic'ancot d'ayin. Yacb'an tzin va'i, ol valancan vach' lolonel d'a ib'an̈ yacb'an manto in chamoc, xchi vin̈.

Gn 27:4 Referans Kwoze

A Ch'an̈ Carta D'a Eb' Hebreo 11:20

A Isaac, caw ya'jnac 'och Dios 'a sc'ojol. Yuj cha, 'aycto yaln cani, tas jun tzo'n̈ yaxilal 'oj scha Jacob yet' Esaú.

Gn 48:9

—Atn eb' wunnal tic xyac' Dios 'ayn 'a Egipto tic, xchi José. 'Ix yaln smam chi 'a 'ixtic: —Tzin tew 'ayach, nitz 'ochl eb' 'a in tz'ey tic, yic tzwaln can in wach' paxti 'a yib'n̈ eb', xchi winac.

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

Gn 27:25

Yuj cha, xyaln smam 'a 'ixtic: —'Ij cot schib'l woch chi 'an ach wunnal, ya' sb'a tzin chi no c'alte'al noc' x'at e' coti, tzlajw cha, ax waln can 'el in wach' paxti 'a eb'an̈, xchi. 'Ix ya'n wa Jacob smam cha, an̈jtona', 'ix yi'n cot pax te yal uva 'a 'a. 'Ix wa Isaac xyu'n pax tas tzyuq'uej.

Lc 24:51

Wanto sc'ann jun cha, 'ix 'ijx 'at 'a satcha'an̈, xcan eb' yu'uj.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Josué 22:6

A yic xlajw yaln can jun tzo'n̈ tic, xyaln can Josué wach' paxti 'a yib'n̈ eb', xyaln can pax sb'a eb' 'a 'a. Xlajw cha, xmeltzj eb' 'a 'aj 'aycn yet'l cha.

Josué 14:13

Yuj cha, xyaln Josué wach' paxti 'a yib'n̈ Caleb, 'ix ya'n can lum Hebrón smacl lumoc, yet' 'a smasnil eb' yin̈til.

Gn 27:7

'At jul junc no calte'al noc' in chi', tzlajw cha, tza b'on junc schib'l woch tan tz'aji, caw wach' tzotej. Ya' sb'a tzin wa'i, ax waln in wach' paxti 'a eb'n̈ 'a yojltac Jehová yic mantzac in chami, xchi 'a na.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 27:31

An̈jtona', sb'on pax win jun schib'l yoch smam caw wach'. Xlajw sb'o yu'uj, 'ix yi'n 'at 'a smam cha, xyaln 'a 'ixtic: —Q'uen̈ wan mamin, tza chin no c'ultquil noc' tic x'at wi' cot an onnaln tic, tzlajw cha, tzaln can a wach' paxti 'a wib'an̈, xchi.

Gn 27:27

'Ix snitzn 'ochch sb'a Jacob chi 'a stz'ey smam cha, yic tz'ub'n 'elt sti cha, ax Isaac su'lni spichl win yunnal cha. Xlajw cha, xyaln can jun tzo'n̈ swach' paxti tic 'a yib'n̈ win 'ixtic: N', atn wal sjab' ni wunnal tic. Lajn wal sjab' ni 'icha te snich te', te 'ay 'a scaltcte to 'ac'b'il yaxilal 'a yib'n̈ yuj Jehová.

Gn 27:23

Ma'ix nachj 'el xon yuj winac, yujto 'ay xil sc'ab', 'icha yic yu'tac Esaú cha. 'Ix yaln can swach' paxti 'a yib'n̈ jun yunnal cha.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 27:5

Ax 'ix Rebeca, wan yab'n 'ix tas wan yaln win Isaac 'a Esaú. Yuj cha, ax yic x'at Esaú 'at say schib'j smam chi 'a caltcte',

Gn 27:9

'Ixc 'a 'aj 'ay scol-l no calnelu, tze'n cot chawn̈oc no cotc chiwo, no caw b'aq'uech. Ax in b'on jun schib'l yoch a mam caw wach' 'oj wutoc, 'icha wal tznib'ej.

Gn 27:14

'Ix 'at Jacob 'at yi' cot no cotc chiwo cha, xya'n 'a snun, caw wal wach' x'aj jun schib'l wal chi sb'on 'ix, 'icha tznib'j Isaac cha.

Gn 27:17

Xlajw cha, xya'n 'ix wa'il yet' schib'l sb'o 'ix chi 'a winac.

Gn 27:19

—An Esaú in, a b'ab'l 'unnal in. Tox 'ix in b'o 'icha 'ix otj aln 'ayin. Q'uen̈ wa'an, 'emn̈ wocan, wa'an̈. 'Ab' wal schix no calte'al noc' x'at in jul tic, tzaln can a wach' paxti 'a wib'an̈, xchi Jacob cha.