Gn 26:8 - Chuj San Sebastian Bible

⁸ 'Ix 'ec' tiempo yuj eb' 'a jun lugar cha, 'ay jun c'ual, 'ix yiln 'elt win rey chi 'a swentnual yatut, to caw tzalj 'och Isaac chi 'a 'ix Rebeca cha.

Chuj San Mateo Bible

⁸ Ata' ix ec' tiempo yuj eb'. Ay jun c'ual ix yilelta vin̈ rey chi' d'a yol jun ventena to chelcheloch vin̈aj Isaac chi' d'a ix Rebeca ix yetb'eyum chi'.

Gn 26:8 Referans Kwoze

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Cantares 2:9

Lajn sjaw ni 'icha junc no c'ultquil chej. A ni quelm cha, 'ayx 'ec' 'am ni chi nec 'a spatc n̈a, t'an̈n xo 'oxt am ni 'a ventnu.

Pr 7:6

'Ay jun 'ejem, q'ueln in 'elt 'a swentnual watut.

Jueces 5:28

A yic q'ueln 'elt 'ix snun win Sísara 'a swentnual yatut, caw wal somc'ojlal yaj 'ix, xyaln 'ix 'ixtic: ¿Tas yuj tz'ec' tiempo sjaw scaruaje winac? ¿Tas yuj caw tz'ec' tiempo sjaw scaruaje win yic owal? xchi 'ix.

Ec 9:9

Yujto tzab'n jab' qui q'uinlec 'ix yac' Dios, yuj cha, junjn mach tzalj cab' yet' yistzil chamc'ojlb'il yu'uj. Atn chi tz'ajx spacc 'ayn̈ec yuj Dios yic tzcab'nec syal qui munlj 'a yolyib'n̈q'uinl tic.

Gn 26:7

Ax yic sc'anb'n ewin 'aj lugar cha, tas yaj 'ix Rebeca yet' Isaac. Yuj cha, xiw Isaac chi yalni chajtlto yistzil 'ix, xyalni to yanab', yujto caw wach' yilx Rebeca cha. 'Ix sna Isaac lemb'il tzmilx cham yuj ewin 'aj lugar chi yuj 'ix.

Gn 26:9

Yuj cha, x'at ya'nc win 'ijxoc cot Isaac, xyaln win rey chi 'a 'ixtic: —Tox xwila, chajtlto estzil 'ix 'ix tic, ¿'ixtnta', mto ma'ay? ¿Tas yuj 'ix ala to anb' 'ix? xchi winac. —'Ix in na'a toq'ue tzin milx cham yuj 'ix, yuj cha xwaln 'ixta', xchi Isaac cha.