Gn 25:6 - Chuj San Sebastian Bible

⁶ Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

Chuj San Mateo Bible

⁶ Axo pax yune' juntzan̈xo eb' ix chi' jun, axon̈ej silab' ix ac'chaj d'a eb' yuj vin̈. Ayic pitzanto vin̈, ix och ijan vin̈ schecancanel eb' vin̈ chi' vin̈ d'a stz'ey vin̈aj Isaac chi'. Ix checjib'at eb' vin̈ d'a stojolal b'aj sjavi c'u.

Gn 25:6 Referans Kwoze

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

Jueces 19:4

An̈jtona pax win smam 'ix cha, 'ix 'elt win wul scha win levita chi 'a tzaljc'ojlal. 'Ix yaln win smam 'ix 'ix cha, to tzcan win yet' eb'. Yuj cha, 'ix can win yet' jun schecb' chi 'a 'oxe c'u ta'. Tzwa eb', tzyu'n eb' tas tzyuq'uej, tzway pax eb' ta'.

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

Gn 25:1

'Ix yij Abraham junx 'ix 'ix yistziloc, atn 'ix Cetura sb'i.

Gn 16:3

A yic slajn̈il xo ab'il sjaw eb' 'a Canaán, xya'n 'och 'ix Sarai chi 'ix ya'mal servil chi 'a yol sc'ab' yichmil cha, yic tz'och 'ix schab'l 'istziloc winac.

Gn 30:9

Ax yic xyiln pax 'ix Lea, chajtlto man̈xtzac 'alj yune 'ix, yuj cha, xya'n 'ix 'ix ya'mal servil chi 'a Jacob, atn 'ix Zilpa.

Gn 30:4

Xya'n 'ix Raquel 'ix ya'mal servil chi 'a win Jacob, xyi'n sb'a win yet' 'ix.

2 Cr 11:21

A Roboam cha, wajxclajn̈wan̈ yistzil, 60 schab'l 'istzil, 28 yunnal, 60 pax yisil, palta yel xo tzchamc'ojlej win 'ix Maaca chi 'a yib'n̈ jun tzo'n̈ xo eb' 'ix cha.

Gn 29:1

'Ix 'atx Jacob masnto xc'och 'a slum ewin cajn 'a stojlal 'aj tzq'uel c'u.