Gn 25:23 - Chuj San Sebastian Bible

²³ 'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

Chuj San Mateo Bible

²³ Ix tac'vi Jehová chi' d'a ix: Chab' chon̈ab'il ol aj yin̈tilal eb' chavan̈ ed'nac chi'. Yictax manto aljoc eb', ol och eb' ajc'olal d'ay junjun. Jun te ay yip, te tec'an d'a yichan̈ junxo. A vin̈ b'ab'el, ol can vin̈ d'a yalan̈ smandar vin̈ tzac'an, xchi d'a ix.

Gn 25:23 Referans Kwoze

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

A Ch'an̈ Schab'l Libro Samuel 8:14

Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

1 Cr 18:13

Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Nm 20:14

A yic 'ayc' Moisés 'a lum Cades, 'ix schecn 'at jaywn̈ eb' schecb' 'a win sreyl Edom, yic tz'at yalnc eb' 'ixtc 'a 'a: An̈ israel on̈ tic, cu'tac to qui b'a eyet'oc, tecn tzeyab' yab'xil tas wal tzon̈ 'aj quixtx 'a Egipto.

A Ch'an̈ B'ab'el Libro Yic Yab'ixal Eb' Rey 22:47

(A 'a jun tiempoal cha, mant 'a sreyl chon̈b' Edom, cojn nant win gobernador 'ac'b'il 'och yuj win Josafat.)

Gn 36:31

Atn eb' tic xyac' yajlil 'a chon̈b' Edom yic mant 'a sreyl eb' israel.

Gn 33:3

Yajn̈ej xb'ab'lj Jacob 'a yojltac eb' 'ix, uc 'ejm x'em n̈ojan masnto xjaw 'a yojltac jun yu'tac cha.

Gn 25:27

'Ix q'uib' chan̈ chawn̈ eb' 'unn cha. A win Esaú schaj sc'ojl win yec' b'eyc'oc 'a calte'. Caw jeln x'aj win 'a ma'j noc'. A pax win Jacob jun, cojn ta tzmunlj 'a scamplamento eb'.

Gn 17:4

—Yaj jun in trato tic 'oj wac' et'oc: To niwn nacion̈ 'oj och smam 'ichmoc.

Gn 32:6

Ax yic xc'ochx eb' schecb' cha, xyaln ewin 'a win Jacob 'ixtic: —Tox on̈ xit' 'a ni o'tac chi 'on̈, tic tzjaw ni wul ach scha', caw a 'oj wul ach chanoc, chan̈e ciente eb' winc ajun yet'oc, xchi ewin schecb' cha.

Gn 25:24

'Ix c'och sc'ul yalj yune 'ix Rebeca cha, tiyx eb' 'unn chi x'alji.

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

Dt 2:4

Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Dt 2:8

Xlajw cha, on̈ 'elc can 'a sb'el span̈nil sti a Jordán, on̈ 'e'c 'a Elat yet' 'a Esión-guéber. Xlajw cha, on̈ 'e'tec 'a yol slugar eb' quicanec, atn eb' yin̈tl Esaú, eb' cajn 'a lum yic Seír. Ata xcoyc qui b'a, on̈ 'ochc pax 'a b'e tz'ec' 'a cusltac lum yic Moab.

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

Gn 48:19

Palta ma'ix yal sc'ojl smam cha, xlajw cha, xyaln 'ixtic: —Wojc xo ach wunnal, a ni tic niwn nacion̈ 'oj 'el 'a eb' yin̈tl ni b'aq'uin̈, palta ax ni tza'n tic, yel xo wal caw niwquil 'oj 'aj 'el'ch ni b'aq'uin̈. A eb' yin̈tl na, til wal nacion̈ 'oj 'aj 'el'ch eb', xchi winac.

A Ch'an̈ B'ab'el Libro Samuel 17:14

A David atn slajb' 'unin. A eb' 'oxwn̈ cha, tza'n 'och eb' yuj Saúl.

Abdías 1:21

'Oj q'ue'choc eb' colwjum 'a lum tzaln Sión, 'oj yac' eb' yajlil 'a yib'n̈ lum slum Esaú. A yic cha, cojxn̈ej Jehová 'oj 'a'nc yajlil ta'.