Gn 25:20 - Chuj San Sebastian Bible

²⁰ A Isaac 40 ab'il sq'uinal, yic xyi'n sb'a win yet' 'ix Rebeca yisl Betuel, yanb' Labán win arameo, cajn 'a Padan-aram.

Chuj San Mateo Bible

²⁰ 40 ab'il sq'uinal vin̈aj Isaac chi' ayic ix yic'lan sb'a vin̈ yed' ix Rebeca yisil vin̈aj Betuel, yanab' vin̈aj Labán arameo, aton vin̈ cajan d'a Padán-aram.

Gn 25:20 Referans Kwoze

Gn 24:29

'Ay jun win snul'j 'ix Labán sb'i, yajn̈ej 'ix 'at win 'a 'aj 'ay a 'uc'b'il a cha, yic tz'at yi'nc cot win jun winc cha.

Gn 24:67

Yajn̈j wal cha, 'ix yi'n 'at win Isaac 'ix Rebeca chi 'a yojl smantiado snun, atn 'ix Sara chamnac. Xlajw cha, 'ix nupn win yet' 'ix, caw wal xchamc'ojlax 'ix Rebeca chi yuj win Isaac cha. 'Ixta 'ix 'aj yec' scusc'ojlal win yuj schamlil snun.

Gn 22:23

A Betuel cha, atn smam 'ix Rebeca; atn wajxcwan̈ yune Milca tic yet' Nacor, win yu'tac Abraham.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Gn 31:20

Ax Jacob xc'ultac 'elt 'a win Labán cha.

Lc 4:27

An̈jtona', tze na cot pax yab'xil jun schecb' Dios Eliseo sb'i. Til wal eb' quit israelal yamchjnac yuj lepra. Palta may junc eb' b'oxnc yuj Eliseo cha, an̈j jun win man̈ israeloc 'aj Siria, Naamán sb'i, an̈j win b'oxnc yu'uj, xchi Jesús 'a eb'.

Gn 35:9

A yic xmeltzj win Jacob 'a Padan-aram, xch'oxn sb'a Dios jun 'ejm xo 'a 'a, xyaln Dios wach' paxti 'a yib'n̈ winac.

Gn 24:15

Mantzac lajw sleslwi winac, ax xyilni xc'och jun 'ix cob'es, 'ay q'ue sch'ub' 'a squelab', atn 'ix Rebeca yisl win Betuel. A Betuel cha, atn yunnal can win Nacor yet' 'ix Milca. A Nacor cha, yu'tac sb'a yet' Abraham.

Gn 25:26

Tza'n sjapx jun yu'tac cha, t'un̈n 'och 'a yich sq'uenl yoc Esaú, xya'n eb' sb'ic Jacob. 60 ab'il sq'uinl win Isaac yic x'alj eb' yune 'ix Rebeca cha.

Gn 28:2

Ata tzach 'at 'a yol yic Padan-aram 'a yatut a mam 'ichm Betuel. Tze'n a b'a yet' junc eb' 'ix yisl win Labán, win snul'j a nun tic.

Gn 28:7

Ax Jacob x'atcn 'a Padan-aram, 'icha xyutj yaln smam yet' snun 'a 'a.

Gn 33:18

A yic x'elt win Jacob 'a Padan-aram masnto xjaw 'a yol yic Canaán, may tas xyab' syail, axta xcan cajn 'a yojltac cot Siquem.

Gn 35:26

A pax ewin yic 'ix Zilpa, 'ix ya'mal servil 'ix Lea, atn Gad yet' Aser. Atn eb' yunnal win Jacob tic 'aljnac 'a Padan-aram.

Gn 27:43

Yuj cha, ach wune', ab' wal tas 'oj wala'. 'Eln̈ 'a tic, ata tzach c'ochcn 'a lum Harán, a yet' ni 'in nul'j Labán, ata tzach 'aji.