Gn 25:11 - Chuj San Sebastian Bible

¹¹ Ax yic tox xcham win Abraham cha, ax Dios x'a'n swach'c'ojlal 'a yib'n̈ Isaac. Ata xcancn cajn 'a stz'ey a 'uc'b'il a tzcuch Dios Pitzan A Tzin 'Ilni.

Chuj San Mateo Bible

¹¹ Axo yic toxo ix cham vin̈, ix yac'ancot svach'c'olal Dios d'a yib'an̈ vin̈aj Isaac. Ix can cajan vin̈ d'a slac'anil a' uc'b'ila' scuchan A Dios Pitzan Tzin Ilani.

Gn 25:11 Referans Kwoze

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 16:14

Yuj cha, xya'n 'ix sb'ic jun 'uc'b'il a chi 'ixtic: Yuc'b'il a Dios Pitzan, tzin yiln paxi, xchi 'ix. 'Ixta scuchcn a 'uc'b'il a 'ay 'a snan̈l Cades yet' Bered.

Gn 24:62

Ax Isaac tox 'ix meltzj pax cot 'a a 'uc'b'il a tzcuch jun Dios Pitzan A Tzin 'Ilni, ata cajn 'a yatut 'a yol yic Neguev.

Gn 17:19

Yuj cha, xta'w Dios 'a Abraham 'ixtic: —Tox 'ix wal 'ayach, chajtlto 'oj jawc jun onnal yet' 'ix Sara. Isaac 'oj ac' sb'ioc, atn yet' win 'oj wac' jun in trato tic yet' 'a jun 'ejmn̈ej, yet' pax 'a eb' yin̈tl winac.

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Salmos 112:2

Ax yin̈tl eb' 'anma cha, caw jeln 'oj 'aj 'el'ch eb' 'a sat lum lum tic, a yin̈tl eb' wach' snab'en, wach' 'oj 'aj 'el'ch eb'.