Gn 25:10 - Chuj San Sebastian Bible

¹⁰ Atn lum manb'il can yuj Abraham chi 'a eb' hitita. Ata junn̈j xmucx can Abraham chi yet' 'ix Sara, atn 'ix yistzil winac.

Chuj San Mateo Bible

¹⁰ Aton lum chi' manb'ilcan yuj vin̈aj Abraham d'a eb' hitita. A b'aj mucb'il ix Sara, ata' ix mucchaj vin̈aj Abraham chi'.

Gn 25:10 Referans Kwoze

Gn 23:16

'Ix schaj sc'ojl win Abraham sjeln stojl lum lum cha, 'icha xyutj win yaln 'a sat smasnil ewin hitita cha. 'Ix yechtan Abraham chan̈e ciente q'uen tumn plata cha, lajn x'aj yal-l q'uen 'icha yic eb' chon̈wjum.

Gn 49:31

Ata mucb'il can Abraham yet' 'ix yistzil, atn 'ix Sara. Ata mucn can Isaac yet' yistzil, atn 'ix Rebeca. Ata mucn can pax 'ix Lea wu'uj.

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 23:3

'Ix yactj can win sniwnal 'ix yistzil cha, 'ix 'at win 'a eb' hitita cajn 'a jun lugar cha. Ata 'ix yal 'a eb' 'ixtic:

Gn 47:30

A 'a stz'ey eb' in mam wicham, ata tzej 'at in niwnal tic, tzlajw cha, tzin a mucn 'a 'aj mucn eb' cha, xchi Jacob. —'Oj in b'o 'icha tzal chi mamin, xchi José.

Gn 23:9

to tzchon̈ win q'uen oln q'uen 'a Macpela 'ayin, 'a sla'nil xo sti slum winac. Tztac' in tojn 'a winac, yaln̈ej jantc stojol sec wic tz'ajcn jun 'aj tzmucx chamnc 'anma chi 'a e cal 'a jun lugar tic, xchi Abraham cha.

Gn 23:17

'Ixta wal x'ajcn yoch lum slum win Efrón yico'oc Abraham, lum Macpela 'a yojltac 'el yic win Mamre 'a stojlal 'aj tzq'uel c'u. A q'uen olb'il q'ue'en, yet' te te', 'ix can 'a win smasnil.

Gn 23:20

'Ixta xyutj schon̈n can 'at eb' hitita lum slum yet' q'uen olb'il q'uen 'a win Abraham yic tz'ochcn scampusanoc yet' eb' yin̈til.