Gn 24:40 - Chuj San Sebastian Bible

⁴⁰ 'Ix ta'w win 'ayn 'ixtic: An tic, tzin yicljn̈ej tas tzyal Jehová. A 'oj checnc 'at yángel et'oc, sec wach' 'oj 'aj yel'ch jun a checnb'il cha, yic tze'n cot junc yistzil ni wunnal tic 'a scal eb' 'ix 'ix 'ayt wuj in b'a yet'oc.

Chuj San Mateo Bible

⁴⁰ Ix tac'vi vin̈ d'ayin: A in tic, emnaquiln̈ej svutej in b'a d'a Jehová. A' ol schecb'at yángel ed'oc yic vach'n̈ej ol aj yelc'och jun a checnab'il chi', yic tzic'ancot junoc ix yetb'eyum vin̈ vuninal tic d'a scal eb' in c'ab' voc.

Gn 24:40 Referans Kwoze

Ex 23:20

'Oj in checb't jun wángel eyet'oc yic tzex stan̈wni 'a yol b'e, ax ex yi'n 'at 'a jun lugar 'ajtil wach'x yaj wu'uj.

Salmos 16:8

Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.

Ex 33:2

An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Salmos 91:11

'Oj ya' cot Jehová eb' yángel on̈ stan̈wquec, yaln̈ej 'aj tzon̈ 'atec.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Gn 24:7

A Jehová sDiosal satcha'an̈, a in 'i'n 'elt 'a yatut in mam, 'ix ya'n sti ya'n jun lum tic 'a eb' win̈til. A pax 'oj checnc 'at yángel et'oc, sec wach' 'oj e' cot yistzil ni wunnal tic ta'.

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

Apoc 22:8

An Juan in tic, xwab'i, xwil jun tzo'n̈ tic. Ax yic xlajw wab'ni, yet' yic xwiln jun tzo'n̈ tic, in 'em cumn 'a jun ángel chi x'a'n wojcoc 'eli. 'Ix waln in b'a 'a 'a.

A Ch'an̈ B'ab'el Libro Yic Yab'ixal Eb' Rey 2:3

Yiclj schecnb'il Jehová qui Diosal, tza b'on 'icha tznib'ej, yet' tas tzyal sley, schecnb'il, yet' pax scuynb'il tz'ib'b'il can 'a ch'an un̈ yic Moisés. To 'ixta', caw wach' 'oj 'el'choc smasnil tas 'oj a b'o', toxn̈ej 'aj tzach 'ati,

Gn 24:56

Palta 'ix ta'w win checb' chi 'ixtic: —Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.

A Ch'an̈ B'ab'el Libro Yic Yab'ixal Eb' Rey 3:6

'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.