Gn 24:27 - Chuj San Sebastian Bible

²⁷ 'Ix yaln 'ixtic: Alx cab' wach' paxti 'a Jehová, sDiosal Abraham in patron̈. Caw wal 'aych yet'oc, 'ay schamc'ojlal 'a 'a, tzin yi'n b'ey pax Jehová 'a yol b'e tic, masnto 'a scal eb' yican in patron̈ cha, xchi winac.

Chuj San Mateo Bible

²⁷ Ix yalan vin̈: Alchajocab' vach' lolonel d'a Jehová co Diosal yed' vin̈aj Abraham in patrón. Yelton val ayn̈ejoch Jehová yed' vin̈, ayn̈ej svach'c'olal d'a vin̈, yuj chi' ix in scuchb'ej d'a yoltac b'e tic masanto d'a scal eb' sc'ab'yoc vin̈ in patrón chi', xchi vin̈.

Gn 24:27 Referans Kwoze

Gn 24:48

Xlajw cha, 'in 'em cuman, 'ix waln wach' paxti yet' in lesl 'a Jehová, atn sDiosal in patron̈ Abraham, to a 'ix 'och wet'oc, yic in cot 'a yol b'e, wach' in 'aj in coti, yic tzwul wi'nc yistzil win yunnal in patron̈ 'a scal eb' yican.

Salmos 98:3

Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.

Gn 32:10

Caw man̈ in mojc tzac' a chamc'ojlal 'ayin, yet' a wach'c'ojlal 'aych wet'oc. 'Ix in ej 'e't 'a a Jordán yic cojn jun in c'occh wet'i, ax ticnec chab' xo camplamento tzin 'aj 'el'chi, 'ayx pax tas 'ay 'ayin.

Gn 24:12

Ya' sb'a cha, 'ix syamn 'och win sleslwi 'a Dios 'ixtic: Mamin Jehová, ach sDiosal Abraham in patron̈, tzin tew 'ayach, comnoc wach' tz'el'ch in checnb'il tic, tza ch'oxn pax a wach' nab'en 'a in patron̈ cha.

A Ch'an̈ B'ab'el Libro Samuel 25:32

'Ix ta'w David 'ixtc 'a 'ix: —Alx cab' wach' paxti 'a Jehová qui Diosalec, yujto a ach checn coti yic tzwul in a chanoc tic.

Rt 4:14

Yuj cha, xyaln smasnil eb' 'ix 'ix 'a 'ix Noemí 'ixtic: —Alx cab' wach' paxti 'a Jehová, yujto 'ix yac' jun eachicn elmaloc. Comnoc niwn tz'aj sb'inax jun eachicn tic 'a qui cal an̈ israel on̈c tic.

Ex 18:10

Yuj cha, 'ix yaln Jetro chi 'ixtic: —Alx cab' wach' paxti 'a Jehová, yujto a ex coln 'elt 'a yol sc'ab' eb' 'aj Egipto, yet' sreyal.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

A Ch'an̈ Schab'l Libro Samuel 18:28

Ax yic xjaw win Ahimaas 'a stz'ey win rey, 'ix 'em n̈ojnjoc win 'a yojltac winac masnto 'a sat lu'um. Xlajw cha, xya'n win stzatzl sc'ojl winac, xyaln win 'ixtic: —Alx cab' wach' paxti 'a Jehová, atn jun qui Diosalec mamin rey, yujto a eb' xmeltzj 'och 'ajc'ojlal 'ayach, caw satx 'el eb' yu'uj, xchi winac.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Pr 8:20

Yuj jelnal, yuj cha 'ayn̈ec 'och 'a jun b'e yic tojlal.

Salmos 68:19

Calc wach' paxti 'a Cajlil, atn qui Diosalec, qui Colmalec paxi; yujto 'a junjn c'u tzon̈ stan̈wniec 'a swach'ilal.

A Ch'an̈ B'ab'el Libro Samuel 25:39

A yic xyab'n win David speclal chajtlto tox 'ix chami, 'ix yaln 'ixtic: —Alx cab' wach' paxti 'a Jehová, tox 'ix spactzej 'a win Nabal xcham cha, yuj tas in yutej. A pax Jehová in tenn 'och wan 'a tas maysch'olnil 'ijn xin b'o'o; mun wal x'el-l tu 'a yib'n̈ win sch'ocoj, xchi David. Xlajw cha, 'ix checn 'at win David jaywn̈ schecb' 'a 'ix Abigail yic tz'at yal eb' 'a 'ix, to tznib'j win tzyij 'ix yistziloc.

Ex 2:13

Ax 'a junx c'u, 'ix 'at yilnc eb' yit chon̈b' chi jun 'ejm xo, ax xyilni to wan ya'n pax chawn̈ eb' yit chon̈b' chi owal. Yuj cha, sc'anb'n 'ixtc 'a win 'ix ma'wj cha: —¿Tas yuj tza mac' win et chon̈b' tic? xchi Moisés cha.

Ex 2:11

A yic te'n xo snab'en Moisés, 'ix 'at b'eyc'oc, x'at yilnc eb' yit chon̈b' 'a 'aj 'ayq'ui, 'ix yilni to caw ya munljel 'aj 'aych eb'. C'uxn wal cha, 'ay jun yit chon̈b' chi wan sma'x yuj jun win 'aj Egipto cha.

Gn 24:42

'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic.

Gn 24:21

A pax win checb' cha, ton̈j q'ueln 'och win 'a 'ix. Cojnto tzyila tas tzb'o Jehová 'a jun schecnb'il win cha.

Gn 24:4

Palta tzach 'at 'a in chon̈ab', ata tza say junc yistzil ni wunnal 'a scal eb' 'ayt wuj in b'a yet'oc, xchi Abraham cha.

Gn 14:20

Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha. Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec.

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Gn 9:26

'Ix yaln pax win 'ixtic: Ya' cab' Jehová in Diosal syaxilal 'a yib'n̈ ni Sem, ax ni Canaán tz'ochcn mosoal 'a na.

Gn 32:11

Tzin tew 'ayach, coln 'el 'a yol sc'ab' ni wu'tac Esaú. Caw wal tzin xiwi, toq'ue tzjaw ni wul smil cham eb' 'ix 'ix yet' eb' yune tic.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.