Gn 24:11 - Chuj San Sebastian Bible

¹¹ Wan xo sq'uic'b'i yic xc'och win checb' chi 'a sti 'el chon̈ab', 'a yorail yic tz'elt eb' 'ix 'ix 'ij 'at a'. 'Ix 'ilj win checb' chi yet' no cameyo 'a sti jun a 'uc'b'il a 'a sti 'el chon̈b' cha.

Chuj San Mateo Bible

¹¹ Ayic ix c'och vin̈ checab' d'a stiel chon̈ab' chi', yic vanxo sq'uic'b'i, ix yic' yip vin̈ yed' noc' camello d'a sti' jun a' uc'b'ila'. A d'a jun hora chi' tz'ec' eb' ix cob'estac yic' yaal.

Gn 24:11 Referans Kwoze

A Ch'an̈ B'ab'el Libro Samuel 9:11

Ax yic wan sq'ue'ch eb' 'a yaln̈ 'emt jun chon̈b' cha, 'ix schan sb'a eb' yet' jun tzo'n̈ eb' 'ix cob's 'ix tz'ec' cuchj a', sc'anb'n eb' 'ixtc 'a eb' 'ix: —¿A 'am 'a tic cajn jun win tztac' yiln junc tas? xchi eb'.

Jn 4:7

Ax eb' scuywum, 'ix 'at eb' sman jac yic schimc'ul 'a jun chon̈b' 'ay 'a sla'nil jun a cha. Ax yic tox 'ix 'at eb', 'ix c'och jun 'ix 'ix 'aj Samaria 'at yic' q'uet ya'al. 'Ix yaln Jesús 'a 'ix 'ixtic: —'Ac' wal wuc' jac al tic, xchi 'a 'ix.

Ex 2:16

Ata 'ay jun winc Jetro sb'i, ya'mal 'och sti eb' 'anma yaj 'a sdiosal, cajn 'a yol yic Madián cha, 'ay ucwn̈ yisil. 'Ix c'och eb' 'ix 'a sti a 'uc'b'il a chi yac' b'ut'joc te jucub', yic tzyu'n e no scalnelu smam eb' 'ix chi a'.

Pr 12:10

A eb' wach' snab'en, tzya'ilj eb' scajb'en noc', ax eb' tu snab'en, caw tzyixtj eb' e no'.

Gn 24:42

'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic.

Gn 29:2

A yic xc'och 'a jun 'a'lic, xyiln 'at jun a 'uc'b'il a'. A 'a stz'ey a cha, ata 'ayc' 'oxe monto no calnelu, yujto ata tzyu'j e no a'. 'Ay jun niwquil q'uen 'ay q'ue smacloc sti a'.

Ex 2:15

'Ix c'och pax yab'xil 'a win rey, to a Moisés 'ix miln jun win 'aj Egipto cha. Yajn̈j wal cha, x'at ya'nc win rey chi sayxoc 'eq'ui, yic tzmilx chamoc. Yuj cha, 'ix 'at Moisés 'elc 'a win rey, axta 'ix c'och 'a yol yic Madián, ata 'ix 'em wocn 'a sti jun a 'uc'b'il a'.

Jueces 5:11

Caw najt tz'at sjaj te son eyu'uj, yet' jun tzo'n̈ q'uen platillo 'aj 'ay a 'uc'b'il a', alc 'el sjelnal Jehová yujto xyac' ganar owal, xyac' ganar yi'n can pax 'ec' yaldeail chon̈b' Israel.