Gn 22:2 - Chuj San Sebastian Bible

² 'Ix yaln Dios 'a Abraham 'ixtic: —'Ij 'at jun c'otn̈ win onnal Isaac, win caw chamc'ojlb'il o'oj, tzach 'at 'a lum Moriah. A yic tzach c'och 'a sjolm lum tzaln 'oj in ch'ox 'ayach, tza'n tz'a win xajmb'al-l 'ayin, xchi Dios 'a winac.

Chuj San Mateo Bible

² Ix yalan Dios d'a vin̈ icha tic: —Ic'b'at vin̈aj Isaac jun pitan̈ uninal te xajan uuj, tzach b'at d'a lum Moriah. Ayic tzach c'och d'a sjolom lum tzalan ol in ch'ox d'ayach, ata' ol a n̈ustz'a vin̈ silab'il d'ayin, xchi Dios.

Gn 22:2 Referans Kwoze

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

Gn 22:16

'Ix yaln 'ixtic: —An Jehová in, an tzwala: Yujto 'ix a yiclj a b'on jun tic, ma'ach xiw a'n jun c'otn̈ onnal tic 'ayin, yuj cha, an tzwac' in ti',

Gn 17:19

Yuj cha, xta'w Dios 'a Abraham 'ixtic: —Tox 'ix wal 'ayach, chajtlto 'oj jawc jun onnal yet' 'ix Sara. Isaac 'oj ac' sb'ioc, atn yet' win 'oj wac' jun in trato tic yet' 'a jun 'ejmn̈ej, yet' pax 'a eb' yin̈tl winac.

A Ch'an̈ Schab'il Libro Yic Yab'ixal Eb' Rey 3:27

Xlajw cha, 'ix yi'n cot win rey chi jun sb'ab'l 'unnal, atn jun jab'xoj yochcn reyl sjeloc, 'ix ya'n xajmb'al-l 'a yib'n̈ smuroal chon̈b' cha. 'Ixta 'ix 'aj scot yowl eb' israel, 'ix yi'n chan̈ eb' scamplamento, 'ix meltzj eb' 'a chon̈ab'.

Gn 22:12

'Ix yaln jun ángel chi 'ixtic: —Man̈ a mil cham onnal, a ticnec wojcxo to tzach xiw 'ayin, 'in xa yiclj a'n jun c'otn̈ onnal chi 'ayin, xchi jun ángel cha.

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

Jueces 11:39

Xlajw sb'eyc' can 'ix 'a chab' 'ujl cha, 'ix pax 'ix 'a yatut smam cha; xlajw cha, 'ix ya'n 'el'choc win sti ya'jnac 'a Jehová. A 'ix cob's cha, may xon junc winc sc'umej 'ix.

Jueces 11:31

an xo tic, a junc mach tzb'ab'l 'elt 'a yol watut yic tzin wul schanoc 'a yol b'e, yic tzin c'ochx 'a owl tic, atn jun chi tzwac' tz'a xajmb'al-l 'aych Mamin Jehová, xchi.

Gn 21:12

Ax Dios 'ix aln 'a Abraham 'ixtic: Man̈ tac a c'ojl yuj win 'unn tic, yet' pax 'ix a'mal servil tic. Yiclj smasnil tas tzyal 'ix Sara, yujto a win Isaac, a win 'oj pitznc 'el en̈tl 'oj 'a'n b'inaxc a b'i.

Ro 5:8

Palta sch'oxjnac Dios schamc'ojlal 'ayn̈ec, yujto a Cristo ya'jnac cham sb'a qui jeloc, yic caw 'ajmul on̈c to.

Miqueas 6:7

¿'Oj tzaljoc am chan̈ Jehová, toto tzca'c junc mil no mam calnelu xajmb'alil, mto junc lajn̈e mil ch'ub' aceite? ¿Mto tzca'c eb' qui b'ab'l 'unnal xajmb'al-l 'a yuj qui mulec? xchi eb'.

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Gn 22:9

Ax yic xc'och eb' 'a 'aj 'ix yal Dios cha, 'ix sb'on Abraham jun yet'l xajmb'al, 'ix sb'on q'ue te c'atztz 'a yib'an̈. Xlajw cha, sjaln jun yunnal cha, 'ix ya'n q'ue 'a yib'n̈ te c'atztz 'ay q'ue 'a yib'n̈ yet'l xajmb'al cha.

Gn 21:3

Isaac scuch win 'unn chi yuj Abraham.