Gn 22:1 - Chuj San Sebastian Bible

¹ 'Ix 'ec' jun tiempoal, 'ix 'ajx prowal win Abraham yuj Dios, toto caw yel tzya'ch win sc'ojl 'a 'a, x'awtx cot win yuj Dios, 'ix ta'w win 'a 'ixtic: —Waj 'a tic Mamin, xchi.

Chuj San Mateo Bible

¹ Ix lajvi yec' jun tiempoal, ix ac'ji proval vin̈aj Abraham yuj Dios, ix avtaj vin̈, ix tac'vi vin̈ icha tic: —Ina vajec' tic Mamin, xchi vin̈.

Gn 22:1 Referans Kwoze

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Santiago 2:21

A qui mam quichm Abraham 'a pecti', yijnac 'at jun yunnal Isaac sb'i, yic ya'n xajmb'al-l snani, 'icha yaljnac Dios 'a 'a. Yuj wal tas sb'ojnac Abraham cha, yoch wach'l 'a sat Dios.

1 Co 10:13

Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Ex 3:4

Ax yic 'ix yiln Jehová to wan sc'och Moisés chi 'a stz'ey te c'ac' cha, 'ix paxtin 'elt 'a scal te', xyaln 'ixtic: —Moisés, Moisés, xchi. —Waj Mamin, xchi Moisés cha.

Gn 22:11

Ax jun yángel Jehová, a 'ix 'awj 'emt 'a satcha'an̈, 'ix yaln 'ixtic: —Abraham, Abraham, xchi. —¿Tas tzal Mamin? xchi win 'a 'a.

Gn 22:7

Jab' nant wal x'at eb', 'ix yaln win Isaac 'a smam 'ixtic: —Mamin, xchi winac. —¿Tas tzal wunnal? xchi Abraham cha. —'Ilto quet' qui c'atzitz yet' qui c'ac', ¿palta 'ajtil 'ay pax no calnelu 'oj 'och xajmb'al-l cha? xchi winac.

Is 6:8

Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

Ex 16:4

Yuj cha, xyaln Jehová 'a Moisés 'ixtic: —'Oj wa' cot tas 'oj sc'ux eb' 'anma tic 'a satcha'an̈. 'A junjn c'u, ax si'n eb' tas 'oj sc'ux cha, palta cojn tas 'ay tz'och yuj eb' 'a jun c'u cha, a chi 'oj sic' eb'. 'Ixta 'oj wutc wilni toto 'oj syiclc eb' in checnb'il mto ma'ay.

Dt 13:3

man̈ e cha eyab' jun tzo'n̈ chi 'a 'a. A Jehová qui Diosalec, a tzex 'a'n prowal, sec tzyila toto yel tze chamc'ojlej yet' smasnil e c'ojol, yet' smasnil e nab'en.

Jueces 2:22

'Ixta x'aj yajx prowal eb' yuj Jehová, toto yiclum eb' 'icha ya'jnac smam yichm eb', mto ma'ay.

A Ch'an̈ Schab'l Libro Samuel 24:1

'Ix cot yowl Jehová 'a chon̈b' Israel, 'ix ya'n 'och 'a snab'en David, to tz'ijx chan̈ sb'isl eb' israel yet' eb' 'aj Judá.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 21:11

A jun paxti cha, caw wal ya 'ix yab' Abraham, yujto a 'ay yunnal pax win Ismael cha.

Gn 37:13

'Ayx am sjayloc c'u s'at ewin yet' no calnelu cha, xyaln win Israel 'a José 'ixtic: —A ticnec, a eco o'tac, ata 'ayc' eco 'a Siquem 'ilj calnelu. Tzin nib'j to tz'at el eco, xchi win Israel chi 'a 'a. —Inye tzin 'ati, xchi José cha.

Gn 46:2

A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

A Ch'an̈ B'ab'el Libro Samuel 3:4

'ix 'awtx Samuel yuj Jehová 'ixtic: —¡Samuel! xchi. —¡Waj 'a tic! xchi winac.