Gn 21:8 - Chuj San Sebastian Bible

⁸ Ax yic xq'uib' win Isaac, x'ijx 'el win 'a yim. A yic cha, 'ix ya'n 'och win Abraham jun niwquil q'uin̈.

Chuj San Mateo Bible

⁸ Ix q'uib' vin̈aj Isaac, ix el vin̈ d'a yim, yuj chi' ix yac'och jun nivan q'uin̈ vin̈aj Abraham chi'.

Gn 21:8 Referans Kwoze

A Ch'an̈ B'ab'el Libro Samuel 1:22

Palta ma'ix 'at 'ix Ana chi yet' eb', xyaln 'ix 'a win yichmil chi 'ixtic: —A ticnec ma'oj in 'ati, masnto 'oj 'el win 'unn tic 'a yim. 'Ixta to b'i'an, ax 'at wa'nc can win 'a yojltac Jehová, ax scan win ta 'a jun 'ejmn̈ej, xchi 'ix.

Os 1:8

Ax 'a yic tox 'ix 'el 'ix 'unn chi 'a yim, 'ix scuchn pax chan̈ 'ix Gomer chi yune jun 'ejm xo, x'alj pax junx swinc 'unn 'ix.

Salmos 131:2

Wal yel mun 'ayin, toc 'ay tas tzwala, sictac waj 'icha junc tz'ulc 'unn at wal slajw schuw 'a snun, 'icha wal junc 'unn cha, 'ixta 'in tzwab'i.

A Ch'an̈ B'ab'el Libro Yic Yab'ixal Eb' Rey 3:15

Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.

A Ch'an̈ Schab'l Libro Samuel 3:20

Xlajw cha, xjaw Abner 'a Hebrón 'aj 'ayc' David, ajun junc'lwan̈ eb' soldado yet'oc. Xya'n David b'o jun niwn wa'el, yic tzwa Abner yet' eb' ajun yet' cha.

Gn 40:20

Schab'jil yaln José swaych ewin chawn̈ cha, snan win rey sq'uin̈ yuj yab'lil, xyawtn cot win smasnil ewin niwc yajl 'aych yajlil yet'oc. Sat wal eb' niwc yajl cha, x'at ya'nc win 'ijxoc 'elt eb' chawn̈ chi 'a preso.

Gn 29:22

Ax Labán, xyawtj cot smasnil eb' cajn 'a stz'ey, xya'n 'och win q'uin̈ yet' jun niwquil wa'el, yuj snupnel jun yisl cha.

Gn 26:30

Yic xlajw xpaxtin eb' cha, ax Isaac 'ix ya'n 'och jun niwquil q'uin̈, yuj cha, xwa eb' xyu'n eb' tas 'a tzaljc'ojlal.

Gn 19:3

Palta ax Lot, 'ix tew 'och 'a eb', c'ojnc'ojnil 'ix 'at eb' 'a yatut Lot cha. 'Ix sb'on tas wach' tzc'ux eb', xya'n pax b'o span eb' may yich; caw wach' 'ix 'aj eb' swa'i.

Ester 1:3

A yic stz'acw yoxl ab'il yoch win Asuero chi reyal, 'ix ya'n 'och win jun niwn wa'el, yet' jun niwquil q'uin̈ yet' smasnil ewin niwc yajal, ewin 'ay yopiso yet' winac, eb' syajlil eb' soldado 'aj Persia, yet' eb' 'aj Media; eb' gobernador, yet' pax eb' yajl yaj 'a junjn niwc chon̈b' cha.

A Ch'an̈ B'ab'el Libro Samuel 25:36

A yic 'ix meltzj 'ix Abigail 'a 'aj 'ayc' win Nabal, xyiln 'ix to 'aych jun niwquil q'uin̈ yet' jun niwn wal 'a yatut, 'icha yic eb' rey. Caw wal tzalj Nabal, 'u'm 'an̈ pax winac. Yuj cha, may xon tas xyal 'ix 'a 'a, at 'a junx c'u xyal 'ix.

Jueces 14:12

Ax Sansón 'ix yal 'a eb' 'ixtic: —A ticnec 'ay jun tzo'n̈ tas 'oj wac' e nali. Toto a 'a scal uque c'u q'uin̈ tic, ata tojl 'oj eyutc eya'n spac 'ayin, toto 'ixta', 'oj wac' junjnoc e pichl 'a te lino wach' yaj sb'o'i, ax wa'n pax junjnoc e pichl tzeya'ch 'a yic 'ay junc q'uin̈.

Jueces 14:10

Xlajw cha, xc'och smam Sansón chi yet' 'a 'aj 'ay 'ix cob's 'ix cha. 'Ix ya'n 'och Sansón chi jun q'uin̈ yuj snupnel, yujto 'ixta sb'eyb'al eb' quelmtac 'a jun lugar cha.

Gn 21:7

¿Toc 'ay eb' 'anma xaln 'a Abraham, toto 'oj to wac' chuwc junc 'unin? Toxn̈ej yel 'ichm xo winac, palta 'ix 'alj to wune', 'ix to jaw jun yunnal tic wet'oc, xchi 'ix Sara cha.

Gn 21:9

Ax xyiln 'ix Sara to a win yunnal Abraham yet' 'ix Agar, 'ix 'aj Egipto, to tzb'uchwj win 'a win Isaac.

A Ch'an̈ B'ab'el Libro Samuel 1:24

Ax yic x'el win 'unn chi 'a yim, a win smam win 'unn cha yet' snun winac, 'ix yi'n 'at eb' win 'a scajnub' Jehová 'a Silo, caw wal yune to winac. 'Ix yi'n 'at eb' jun no quelm wacx 'oxe ab'il sq'uinal, jun 'echtab' 'ixm trigo yet' jun no tz'um b'ut'n yet' yal uva.