Gn 21:23 - Chuj San Sebastian Bible

²³ Yuj cha, 'ac' a ti 'ayn 'a sat Dios, sec wach' matz in extj yet' eb' wunnal, yet' eb' win̈tl 'a jun lugar tic. Tza'n pax a ti 'ayin, to wach' 'oj otc a nab'en 'ayin, 'icha ach wutej, 'ixta 'oj otc pax a nab'en 'a smasnil eb' 'anma 'a jun chon̈b' 'a 'aj cajn ach 'ec' tic, xchi winac.

Chuj San Mateo Bible

²³ Yuj chi' ac' a ti' d'ayin d'a yichan̈ Dios d'a jun lugar tic, to man̈ ol ac' chucal d'ayin, d'a eb' vuninal yed' pax d'a eb' vin̈tilal. Tzac'an a ti' to vach'n̈ej ol utej a b'a d'ayin, icha ix vutej in b'a d'ayach. Icha pax chi' ol utej a b'a d'a eb' anima cajan d'a jun chon̈ab' b'aj janac ach cajan tic, xchi vin̈.

Gn 21:23 Referans Kwoze

Josué 2:12

Yuj cha, tzin tew 'och 'ayex, to tzeya'cn e ti 'ayn 'a sat Jehová, sec 'icha wal xwutj ex in colni, 'ixta pax tzeyutj e coln can 'el smasnil eb' wican. A ticnec b'i'an, toto tzeyac' 'el'choc tas wan waln tic, 'a'c junc senya 'ayin, sec wojtac to 'oj eyac' 'el'choc e ti cha.

Gn 20:14

Yuj cha, xya'n meltzjoc win Abimelec 'ix Sara 'a Abraham cha, 'ix siyx pax scalnelu eb', swacx eb', x'ajx pax ewin schecb' eb', yet' eb' 'ix checab'.

A Ch'an̈ Carta D'a Eb' Hebreo 6:16

A yic tzqui locnec sb'i junc xo mach, cojn junc mach yel xo niwn yel'ch 'a quib'n̈ tzqui loc sb'i. A yic tzcalnec junc tas caw yel, tzqui loc sb'i junc xo mach, sec may mach tztac' sten sb'a quet'ec.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

A Ch'an̈ B'ab'el Libro Samuel 30:15

—¿Tztac' am tzon̈ ej 'at 'a 'aj 'ay eb' 'elc'm cha? xchi David. 'Ix ta'w win 'aj Egipto chi 'a David 'ixtic: —Tzex wij 'ati, toto tzeyac' e ti 'a yojltac Dios, to matz in e mil chamoc, matz in eya'ch 'a yol sc'ab' win in patron̈ cha, xchi.

A Ch'an̈ B'ab'el Libro Samuel 20:42

Xlajw cha, xyaln Jonatán 'a David chi 'ixtic: —'Ixc 'a junc'ojlal, yujto a qui ti xcac' 'ayn̈ qui chawn̈il, 'a yojltac Jehová 'ix cala. 'Ix qui c'an 'a 'a, chajtlto 'ayc'n̈ej cab' 'a qui cal qui chawn̈il, yet' 'a scal eb' en̈til yet' eb' win̈tl 'a jun 'ejmn̈ej, xchi Jonatán. Xlajw cha, 'ix 'atcn David, ax Jonatán 'ix meltzj can pax 'a yol chon̈ab'.

A Ch'an̈ B'ab'el Libro Samuel 20:17

'Ix ya'n sti jun 'ejm xo 'a 'a, yujto caw wal chamc'ojlb'il yu'uj, 'icha wal tzyutj schamc'ojlan sb'a.

A Ch'an̈ B'ab'el Libro Samuel 20:13

Palta toto a 'in mam cha, tu tas tzna 'a eb'an̈, a cab' Jehová tz'a'n 'och junc niwquil yailal 'a wib'an̈ toto matz wal ab'i', yic tza coln a b'a. A cab' Jehová tz'och et'oc 'icha wal x'aj yoch yet' in mam.

Dt 6:13

Cojn 'a Jehová Dios tzex xiwi, a tzeyac' servil. Cojn sb'i tze b'inej, yic tze ya'n junc e ti'.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 31:44

Yuj cha, cotn̈ wet'oc, qui b'o jun qui trato ticnec, sec wach' ch'oxnb'il tz'ajcn 'ayn̈ qui chawn̈il, xchi win Labán cha.

Gn 26:28

Yuj cha, xta'w eb' 'ixtc 'a 'a: —Tox 'ix quil on̈ to 'aych Jehová et'oc, yuj cha, xqui nan on̈ to tzqui b'o junc qui trato et'oc. A jun trato 'oj qui b'o cha, atn tic:

Gn 24:3

tza'n a ti 'a sat Jehová sDiosal satcha'an̈ yet' sat lum tic, to ma'oj a say yistzil ni wunnal Isaac 'a scal eb' 'ix yisl ewin 'aj Canaán 'aj cajn on̈ 'ec' tic.

Gn 21:24

—Tzwa'cn in ti 'ayach, xchi Abraham.

Gn 47:31

'Ix yaln Jacob: Ta'wj a ti'oc, xchi. Yuj cha, sta'wni José sti'oc. Xlajw cha, 'ix 'em n̈ojnjoc win Israel 'a sjolm sch'at, xyaln yuj diosal 'a Dios.

Gn 39:3

'Ix nachj 'el yuj win patron̈ cha, to caw 'aych Jehová yet' win quelm cha, yuj cha, wach' tz'el'ch smasnil tas tzb'o winac.