Gn 20:5 - Chuj San Sebastian Bible

⁵ Yujto a pax Abraham 'ix aln 'ayin, to wanb' 'ix, xchi; 'ixta pax 'ix yutj 'ix yalni, in nul'j winac, xchi 'ix. Yuj cha, yet' smasnil in c'ojol, 'ixta 'ix in b'o'o, may tas tu wan in b'oni, xchi win rey cha.

Chuj San Mateo Bible

⁵ Yujto a vin̈aj Abraham chi' ix alan d'ayin to yanab' ix vin̈. Ix yalanpax ix d'ayin: In nulej vin̈, xchi ix. A in tic ix in c'ulej d'a smasanil in c'ool, man̈oc chucal naan vuuj, xchi vin̈ rey chi'.

Gn 20:5 Referans Kwoze

Salmos 7:8

Mamin Jehová, ach tza b'eyc'ojlej cab' junjn nacion̈. B'eyc'ojlej in, a tzyal tas yilx in yiclumal 'ayach, yet' tas yilx in wach' b'eyb'al 'a ojltac.

A Ch'an̈ B'ab'el Libro Yic Yab'ixal Eb' Rey 9:4

Yuj cha, wach'n̈j cab' tzotj a b'a yet' smasnil a c'ojol, 'icha yujtnac sb'a David, atn a mam. Tzin a'n 'och yipc a c'ojol, tzach b'ey wal 'a stojlal, tza yiclni smasnil tas 'ix wac' a b'o', tza yiclni pax jun tzo'n̈ in ley yet' jun tzo'n̈ in checnb'il.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Pr 20:7

A mach tojl snab'en, may tas tzyac' palta 'a sb'eyb'al, caw tzaljc'ojlal tzcan eb' yunnal.

Pr 11:3

Toto tojl qui b'eyb'alec, a qui tojl b'eyb'alec chi tzon̈ 'i'nec b'eyoc, palta toto tzquixtjec quit 'anma'il, mun a qui tu b'eyb'alec chi tzon̈ satnec 'eli.

Salmos 78:72

Sjucb'tzej win eb' schon̈b' Dios 'a smasnil sc'ojol, 'ix stan̈wj win eb' 'a swach'il yet' 'a stojlal.

Salmos 73:13

An xo tic, toc 'ay jac xwac' ganar yic cob' wach' xwutj in b'eyb'al, yet' yic xin yamn 'och wan in b'a 'a smasnil maysch'olnil.

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Salmos 25:21

Coln 'el yuj in wach' b'eyb'al yujto may in mul, cojn ach tzach wa'ch yipc in c'ojol.

Salmos 24:4

Atn eb' may tas tu tzb'o'o, eb' wach' pax tas tzna'a; eb' matz yac' 'emmquilal 'a jun tzo'n̈ comn dios; eb' matz yac' sti 'a junc tas man̈ yeloc.

Job 33:9

An tic wach' in, may xon in mul, may in paltail, toc 'ay tu tzin b'o'o.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

Gn 12:13

Yuj cha, 'oj ala', to wanb' 'ach, sec 'oj tzaljoc ewin wet'oc, sec ma'oj in smil cham ewin o'oj, xchi 'a Sarai.

Gn 20:13

A yic 'ix yaln Dios to tzin 'el 'a yatut in mam, yic tzin 'ec' b'eyc'oc 'a jun tzo'n̈ lugar tic, xwaln 'a 'ix, to tzann̈j lugaril 'aj tzon̈ c'ochi, tzaln wu'uj to wanb' ach, xin chi 'a 'ix, xchi Abraham cha.

Gn 20:16

'Ix yaln pax win rey 'ixtc 'a 'ix Sara cha: —'Ix wac' jun mil q'uen tumn plata 'a win a nul'j cha, yic tzwa'n spacc 'ayach yet' 'a eb' 'ayc' et'oc, yuj tas 'ix 'ec' 'a qui cal tic et'oc, may junc mach 'aj tu tzach can 'a sat yuj jun tic, xchi win 'a 'ix.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.