Gn 20:3 - Chuj San Sebastian Bible

³ Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Chuj San Mateo Bible

³ Ay jun ac'val, ix lolon Dios d'a vin̈ rey chi' d'a svayich icha tic: Ol ach chamoc, yujto a ix ix, ix ic'cot etb'eyumoc alani, ay yetb'eyum ix, xchi d'a vin̈.

Gn 20:3 Referans Kwoze

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Salmos 105:14

A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:

Job 33:15

'Ay 'aj tzpaxtin 'a waychil mto 'a 'ilwalil 'a junc mach, yic waync 'a 'ac'wal.

Mt 1:20

Ax yic wan snan win José jun cha, 'ay jun yángel Cajlil 'ix ch'ox sb'a 'a win 'a swayich, 'ix yaln 'a 'ixtic: —José, ach yin̈tl can David, man̈ ach xiw e'n a b'a yet' 'ix María tic, yujto a Yespíritu Dios 'ix 'a'n pitzwc jun 'unn chi 'a 'ix.

Gn 28:12

Ax 'a jun 'ac'wl cha, 'ix 'och swayich, ax xyilni, 'ay jun b'e 'icha c'o'och, te'n 'ejm 'a sat lu'um, masnto tzq'ue'ch 'a satcha'an̈. Ax xyilni to a eb' yángel Dios tzq'ue'i tz'emt eb' 'a jun c'och cha.

Jonás 3:4

'Ix 'och Jonás 'a yol chon̈b' cha, 'a b'ab'l c'u 'ix yaln 'ixtc 'a caw 'ip. ¡Yic wal chawn̈q'uej ticnec, 'oj lajwc 'el chon̈b' Nínive tic! xchi.

Gn 40:8

—'Ay jun qui waych x'och 'a 'ac'wl tic on̈, palta may mach 'a tic tztac' yaln 'ayn̈ on̈ tas wal tzyal 'el'chi, xchi ewinac. Yuj cha, xyaln José 'a eb' 'ixtic: —¿Tom man̈oc Dios tztac' ya'n spac e waych cha? Alc 'ayin tas xeyil 'a e waych cha, xchi.

Gn 37:9

Xlajw cha, x'och junx swaych José, an̈jtona', xyaln pax yab' eb' yu'tac cha, xyaln 'a eb' 'ixtic: —'Ay wal junx in waych x'ochi. A 'a jun in waych cha, xwila to a c'u yet' 'uj yet' uxlche c'anal x'em n̈ojn eb' 'ayin, xchi José.

Gn 37:5

A 'a jun 'el, 'ay jun swaych José chi x'ochi, 'ix yaln yab' eb' yu'tac cha, yuj cha, yel xo wal xcot yowl eb' 'a 'a.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Gn 12:17

Palta yujn̈ej syaloc 'ix Sarai, yuj cha, til wal yailal 'ix jaw 'a yib'n̈ win rey chi yuj Jehová, yet' 'a eb' cajn 'a yol yatut.

Gn 12:18

Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Nm 22:9

Palta ax Dios 'ix sch'ox sb'a 'a Balaam, 'ix sc'anb'n 'a 'ixtic: —¿Mach jun tzo'n̈ winc chi 'ayc' et' cha? xchi.

1 Cr 16:21

A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:

Gn 40:5

'Ay jun 'ac'wal, x'och swaych ewin schecb' win rey schawn̈il, win tzb'achn b'ey yal uva yet' win b'om pan, junjn swaych junjn eb', 'ay tas pax tzyal 'el'chi.

Gn 46:2

A 'a yic jun 'ac'wl cha, waychil xpaxtin Dios yet'oc, xyaln 'ixtic: Jacob, xchi. Xta'w win 'a 'a: —Waj 'a tic Mamin, xchi.

Job 33:17

'Ixta tzyutj Dios eb', sec tzyij 'el sb'a eb' 'a tas maysch'olnil, yic man̈ comnoc tzyij chan̈ sb'a eb'.