Gn 20:16 - Chuj San Sebastian Bible

¹⁶ 'Ix yaln pax win rey 'ixtc 'a 'ix Sara cha: —'Ix wac' jun mil q'uen tumn plata 'a win a nul'j cha, yic tzwa'n spacc 'ayach yet' 'a eb' 'ayc' et'oc, yuj tas 'ix 'ec' 'a qui cal tic et'oc, may junc mach 'aj tu tzach can 'a sat yuj jun tic, xchi win 'a 'ix.

Chuj San Mateo Bible

¹⁶ Ix yalanpax vin̈ rey chi' d'a ix Sara: —Ix vac' mil siclo q'uen plata d'a vin̈ a nulej tic, yic tz'och spacoc d'ayach, yic sco ch'oxaneli to malaj a mul ix ochi, yic vach' malaj mach syal yalan chucal d'a a patic, xchi vin̈ d'a ix.

Gn 20:16 Referans Kwoze

Pr 27:5

Yel xo wach' tzex stench wan junc e wach'c'ojol, 'a yib'n̈ to tzex cob' sc'ultac chamc'ojloc.

Gn 20:5

Yujto a pax Abraham 'ix aln 'ayin, to wanb' 'ix, xchi; 'ixta pax 'ix yutj 'ix yalni, in nul'j winac, xchi 'ix. Yuj cha, yet' smasnil in c'ojol, 'ixta 'ix in b'o'o, may tas tu wan in b'oni, xchi win rey cha.

Gn 24:65

'Ix sc'anb'n 'ix 'ixtc 'a win checb' cha: —¿Mach jun winc tzcot 'a qui sat cha? xchi 'ix. Xyaln win checb' chi 'ixtic: —Atn win in patron̈ cha, xchi winac, yuj cha, xyi'n 'emt 'ix spotil, smacn 'och 'ix 'a sat.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Jonás 1:6

Ax win capitan̈ yic te barco cha, 'ix 'ejm win 'a 'aj 'ayc' Jonás, xyaln win 'ixtc 'a 'a: —¿Tas tza b'o 'a tic ach waynoc'? ¡Q'uen̈ wa'an, leslwan̈ 'a a Diosal! Toq'ue tzat 'o'ch sc'ojl 'ayn̈ec, ax qui colchjec, xchi winac.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Pr 12:1

Caw 'ay qui nab'enec toto tzqui chajec 'ajxoc cuenta qui b'a, ax toto matz qui chajec 'ajxoc cuenta qui b'a, caw may qui nab'enec.

Gn 26:11

Yuj cha, 'ix ya'n win rey chi alxoc 'ixtc 'a smasnil eb' 'anma cha: —Toto 'ay junc mach tzuntzn jun winc tic yet' yistzil, tojln̈ej cab' schami, xchi winac.

Gn 20:17

Ax Abraham 'ix leslwi 'a Dios, yuj cha, ax Dios 'ix 'a'n pax stzatzl Abimelec jun 'ejm xo yet' yistzil, yet' eb' 'ix schecb' winac, yic wach' tz'aj yalj pax yune eb' 'ix.