Gn 19:38 - Chuj San Sebastian Bible

³⁸ 'Ix 'alj pax yune 'ix tza'n 'ix cha, winc 'unin, xya'n 'ix sb'ic Ben-ammi, atn smam 'ichm eb' amonita ticnec.

Chuj San Mateo Bible

³⁸ Ix aljipax yune' ix schab'il chi', Ben-ammi, ix yac' ix sb'iej, aton vin̈ aycan yin̈tilal eb' amonita ticnaic.

Gn 19:38 Referans Kwoze

Dt 2:19

Palta a yic tze chan e b'a yet' eb' amonita, man̈ e tzuntzc eb', yujto yin̈tl pax Lot eb'. May xon jac slum eb' 'oj wac' 'ayex, to an wa'jnac lum yico'oc eb', xchi.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Is 11:14

'Oj yi' chan̈ sb'a eb' schac'ajil, ax 'at ya'nc eb' owl yet' eb' filisteo 'ay 'a stojlal 'aj tz'em c'u. 'Oj 'em eb' filisteo chi yuj eb'. Ax smol 'i'n 'ec' eb' smasnil tas 'ay 'a eb' 'anma 'ay 'a stojlal 'aj tzq'uel c'u. 'Oj c'och yi'n 'ec' eb' lum lum chi 'a chon̈b' Edom yet' lum chon̈b' Moab, ax ya'n eb' yajlil 'a yib'n̈ eb' 'aj Amón.

Jueces 10:6

Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová.

Dt 23:3

A eb' amonita yet' eb' moabita yet' yin̈tl junjn c'aj eb', may b'a'n̈ xon 'ay yaln eb' yic 'a scal eb' schon̈b' Jehová,

Dt 2:9

Yuj cha, xyaln Jehová 'ayn 'ixtic: Man̈ e tzuntzc eb' moabita yujto yin̈tl can Lot eb', may xon jac slum eb' 'oj wac' 'ayex. To an xwac' smasnil lum Ar 'a eb'.

Gn 20:1

'Ix 'elx win Abraham 'a lum yic Mamre, 'ix 'atcn 'a yol yic Neguev, 'a jun chon̈b' tzcuch Gerar, ata 'ay 'a snan̈l Cades yet' Shur.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Sofonías 2:8

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: 'Ix wab' tas xyutj b'uchwjoc sb'a eb' moabita yet' eb' amonita 'a eb' in chon̈ab', yujto tznib'j eb' yi'cc slum eb' israel.