Gn 19:36 - Chuj San Sebastian Bible

³⁶ 'Ixta 'ix yutj sb'a eb' 'ix yisl win Lot chi schawn̈il, yuj cha, scuchn chan̈ eb' 'ix yune yuj smam cha.

Chuj San Mateo Bible

³⁶ Icha chi' ix aj yochcan eb' ix yisil vin̈ chi' schavan̈il yab'ixal yuuj.

Gn 19:36 Referans Kwoze

Habacuc 2:15

'Oltac wal eb' tz'a'n 'u'wc 'an̈ junc yit 'anma'il masnto tzq'ue 'a sjolm yuj eb' yuj yiln eb' sq'uixwelal. 'Ixta pax ex ax tic, 'oltacx wali, yujto a yet' yowl e c'ojol, 'ix eyi'n 'el sq'uixwel jun tzo'n̈ nacion̈ cajn 'a e tz'ey. Toxn̈ej xwotz'm 'ec' eb' eyuj 'icha 'u'm 'an̈.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Gn 19:8

'Ay chawn̈ eb' 'ix wisl caw cob'es, mant 'a winc tzc'umj eb' 'ix, tztac' wi'n 'elt eb' 'ix 'ayex, yic wach' tze b'o tas tze nib'j 'a eb' 'ix. Ax 'a ewin tic, may cab' tas tu tze b'o 'a ewinac, ton̈j 'ayl ewin wul in sc'umoc, yuj cha, yowlal tzin col eb', xchi 'a ewinac.

Gn 19:35

Ax 'a yic junx 'ac'wl cha, 'ix ya'n pax eb' 'ix 'u'wc 'an̈ smam jun 'ejm xo, ax 'ix tza'n 'ix chi xway yet' winac. Ax Lot cha, ma'ix yab' win sway 'ix yet'oc, ma'ix yab' pax win sq'uex wan 'ix.

Gn 19:37

A 'ix b'ab'el, 'ix 'alj jun yune 'ix, winc 'unin, xya'n 'ix sb'ic Moab, atn smam 'ichm eb' moabita ticnec.

Dt 2:9

Yuj cha, xyaln Jehová 'ayn 'ixtic: Man̈ e tzuntzc eb' moabita yujto yin̈tl can Lot eb', may xon jac slum eb' 'oj wac' 'ayex. To an xwac' smasnil lum Ar 'a eb'.