Gn 18:6 - Chuj San Sebastian Bible

⁶ Xlajw cha, x'och Abraham mu'c 'a yol smantiado, 'ix yaln 'a 'ix Sara 'ixtic: —¡C'olep! 'ij cot 'oxe'oc 'echtab'il 'ixm harina caw wach', tza b'on jaye'oc 'ixm wal ton̈j tzb'olx 'a stzac'ac', xchi.

Chuj San Mateo Bible

⁶ Ix ochb'at lemnaj vin̈ d'a yol smantiado. Ix yalan vin̈ d'a ix Sara icha tic: —Lem, ic'cot junoc coxtal ixim harina te vach', tza b'oan jantacoc pan staji d'a cal tzac'ac', xchi vin̈ d'a ix.

Gn 18:6 Referans Kwoze

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

A Sb'ab'el Carta San Pedro 4:9

Ca'c sposada eb' quit creyenteal tzlaj 'ec' 'ayn̈ec, palta man̈oc cab' yet' qui chab'c'ojlal.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Gl 5:13

Ex wu'tac, ex wanab', 'awtb'iln̈ec yuj Dios, sec wach' mun quic qui b'a. Palta wach'xam mun quiquec qui b'a, man̈ yujoc cha, tztac' ca'lb'anec qui tu nab'enal. Yel xo wach' tzlaj ca'lac servil qui b'a, yuj qui chamc'ojlalec.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

Gn 18:5

Ya' sb'a a 'a in tz'ey tic tzex 'eq'ui, tic tzin 'at wic' jac tas tze c'uxu, yic wach' 'oj 'ochx eyip, ax e 'atxi, xchi 'a eb'. —'Ixc 'an, xchi eb' 'a 'a.

Gn 18:7

Xlajw cha, 'ix 'at Abraham mu'c 'a 'aj 'ay no swacax, x'at yi'n cot jun no quelm wacx caw wal b'aq'uech, xya'n win no 'a jun win schecab' yic tzb'on win muc'uc, yic tzchix no'.

Gn 19:3

Palta ax Lot, 'ix tew 'och 'a eb', c'ojnc'ojnil 'ix 'at eb' 'a yatut Lot cha. 'Ix sb'on tas wach' tzc'ux eb', xya'n pax b'o span eb' may yich; caw wach' 'ix 'aj eb' swa'i.

Jueces 6:19

Xlajw cha, 'ix 'at Gedeón, sb'on jun no yune chiwo, xyi'n cot jun echtab' 'ixm harina, sb'on jun tzo'n̈ pan may yich. Xlajw cha, xya'n 'ejm win no chib'j chi 'a yol jun te xu'uc, ax 'a yol jun lum chen ata xyac' 'ejm win yalil no chib'j cha. Xlajw cha, xyi'n cot smasnil jun tzo'n̈ chi 'a yojltac jun ángel 'aycn 'a yich te mach' cha.

A Ch'an̈ B'ab'el Libro Samuel 28:24

A jun 'ix cha, yajn̈ej smiln cham jun no quelm wacx 'ayc' 'a yatut to caw wal b'aq'uech, sb'on pax 'ix 'ixm pan to may yich.

A Ch'an̈ Schab'l Libro Samuel 13:6

Schan Amnón chi yab'i', 'ix 'ec' t'ocn 'a sat sch'at, caw tzcham ya'noc 'es. Ax yic xc'och win rey chi yila', 'ix yaln win Amnón chi 'ixtc 'a smam cha: —Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar yic tzwul sb'onc 'unx chaquen̈c woch tzin wa'aj, ax wul ya'nc 'unx 'ayin, xchi.

Salmos 119:60

Caw yajn̈j cha, xin yiclni jun tzo'n̈ a checnb'il tic, may niwn tiempo xwij 'eq'ui.