Gn 17:23 - Chuj San Sebastian Bible

²³ Wal 'a jun c'u cha, 'ix ya'ch Abraham yechl win Ismael yet' 'a smasnil eb' schecab', eb' to 'aljnac 'a yatut, yet' smasnil eb' to manb'il yu'uj, yet' smasnil eb' winc cajn 'ec' yet' 'a yatut. 'Ix ya'ch yechl eb' smasnil, 'icha xyutj yaln Dios 'a 'a.

Chuj San Mateo Bible

²³ Aton d'a jun c'u chi' ix schec vin̈aj Abraham ac'jioch jun yechel chi' d'a vin̈aj Ismael yed' d'a masanil eb' vin̈ schecab' vin̈, eb' aljinac d'a yol scuenta vin̈ yed' masanil eb' vin̈ manb'il yuj vin̈ yed' masanil eb' cajan yed' vin̈. Ix ac'jioch yechel eb' smasanil, icha ix aj yalan Dios d'a vin̈.

Gn 17:23 Referans Kwoze

Pr 27:1

Man̈ eyi' chan̈ e b'a eyaln yuj tas 'oj e b'o 'a junc xo c'u, yujto man̈ eyojcoc tas yet' junx c'u cha.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Salmos 119:60

Caw yajn̈j cha, xin yiclni jun tzo'n̈ a checnb'il tic, may niwn tiempo xwij 'eq'ui.

Gn 34:24

Smasnil eb' winc 'a jun chon̈b' cha, eb' smoj s'at 'a owal, xyal sc'ojl ewin 'icha xyutj Hamor yaln yet' win Siquem cha, yuj cha, xya'n 'ajxoc circuncidar sb'a Siquem yet' smasnil eb' winc cha.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Tas Sc'ulejnac Eb' Schecab' Jesús Hechos 16:3

Ax Pablo 'ix nani, to tzyij 'at Timoteo yet'oc. Yuj cha, xya'n circuncidar, sec matz cot yowl eb' israel 'a jun tzo'n̈ lugar cha, yujto yojc eb', to griego smam.

Gn 14:14

A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan.

Gn 17:9

'Ix yaln pax Dios 'a Abraham 'ixtic: —Palta ach xo tic, yiclj jun in trato tic yet' eb' en̈til, yowlal tzyiclj pax eb'.