Gn 16:2 - Chuj San Sebastian Bible

² 'Ix yaln 'ix Sarai chi 'a win yichmil 'ixtic: —'In may wune tzyac' Jehová tic, yuj cha, tzin tew 'ayach, to tzach way yet' 'ix wa'mal servil tic. Toq'ue tz'alj junc yune 'ix, sec a tz'och wune'oc, xchi 'ix. Xchaj sc'ojl Abram tas 'ix yal Sarai cha.

Chuj San Mateo Bible

² Ix yalan ix Sarai d'a vin̈ yetb'eyum chi' icha tic: —Ina malaj vune' syac' Jehová, yuj chi' tzin tevi d'ayach to tzach vay yed' ix in criada tic, talaj tz'alji junoc yune' ix yic tz'och vuneoc, xchi ix. Ix sc'anab'ajan vin̈aj Abram tas ix yal ix chi'.

Gn 16:2 Referans Kwoze

Ex 21:4

Toto a spatron̈ win chi tz'a'n 'och yistzil, tz'alj pax yune 'ix, tzcan 'ix yet' yune 'a win patron̈ cha. Cojn win moso chi tzpax sch'ocoj.

Gn 18:10

Xlajw cha, xta'w jun 'a scal eb' 'oxwn̈ chi 'ixtic: —Yab'n 'ixtc wal junab', 'oj in jaw pax jun 'ejm xo wul ach wila', 'oj 'aljoc yune 'ix estzil cha, winc 'unn jun 'unn cha, xchi 'a Abraham. Ax 'ix Sara cha, ton̈j tz'ab'xni 'ix 'a tas tzalx cha, ata 'ayc' 'ix 'a spatc 'och Abraham 'a yol 'och sti smantiado eb'.

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Salmos 127:3

A eb' 'unn tz'alji, siylab' Dios eb' 'ayn̈ec, yi'nb'il cot qui tzaljc'ojlal yaj eb'.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

Gn 30:22

'Ix nax cot Raquel yuj Dios, yujto xyab' slesl 'ix, yuj cha, xya'n jun yune 'ix.

Gn 25:21

A 'ix Rebeca cha, may yune 'ix, ax Isaac xleslwi 'a Jehová yic tzya'n Dios yunnal eb'. Ata xyab' Jehová slesal, yuj cha, scuchn chan̈ 'ix Rebeca chi yune b'i'an.

Gn 20:18

Yujto a 'a yic yaln̈ cha, yujn̈ej 'ix Sara, man̈x 'ic yac' Jehová 'aljoc yune smasnil eb' 'ix 'ix 'ayc' 'a yatut Abimelec.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 3:12

'Ix ta'w win 'ixtic: —A 'ix 'ix xac' wistzilc tic, a 'ix x'a'n sat te te 'ayin, yuj cha, xin lon te', xchi winac.

Gn 30:6

Xyaln Raquel 'ixtic: Dan 'oj sb'ic win 'unn tic, yujto xyab' Dios in lesal, in sb'oyaji, yuj cha, xya'n jun 'unn tic 'ayin, xchi 'ix.

Gn 19:31

'Ay jun c'ual, 'ix yal 'ix b'ab'l chi 'a 'ix tza'n 'ix chi 'ixtic: —A qui mam tic, caw wal 'ichm xo, toc 'ayt pax junc winc 'a jun lugar tic 'oj stac' qui'ni, 'icha xon sb'eyb'al smasnil 'anma'.

Gn 11:30

A 'ix Sarai cha, man̈ 'unewumoc 'ix.