Gn 16:13 - Chuj San Sebastian Bible

¹³ Yujto xpaxtin Agar yet' Dios, yuj cha, xya'n can sb'ic Jehová 'ixtic: A Dios Wilmal. Wal yel xwil in Diosal tzin 'ilni, xchi 'ix.

Chuj San Mateo Bible

¹³ Yujto ix lolon ix Agar chi' yed' Jehová, yuj chi' icha tic ix yac' ix sb'ioc Jehová chi': A Dios Tzin ilani. Ix yalan ix icha tic: Toton val yel ix vil Dios tzin ilani, xchi ix.

Gn 16:13 Referans Kwoze

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Pr 5:21

Yujto a Jehová wan yiln sb'eyb'al junjn mach, tzyil tas tzb'o'o.

Pr 15:3

'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Gn 16:7

Palta ax jun yángel Jehová schaj sb'a yet' 'ix Agar 'a cusltac lu'um, 'a sla'nil sti jun a a', 'a 'aj tz'atcn sb'el Shur.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Gn 28:17

'Ix xiw cha'an̈, yuj cha, snan 'ixtic: Caw 'ay smay jun lugar tic. Atn am wal 'a tic 'ay yatut Dios, mto ¡spuertail satchan̈ yaji! xchi.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

Ex 24:11

'Ix yil eb' Dios, palta may x'aj eb' yu'uj, xwa eb', xyu'j pax eb' tas 'a yojltac.

Gn 32:31

Wan xo wal yec' win Jacob 'a Peniel cha, yic xq'uel c'u; yujto x'el xub' winac, caw tz'em sb'eyi.