Gn 15:7 - Chuj San Sebastian Bible

⁷ 'Ix yaln pax Dios: —An ton tic Jehová in, an ach wij 'elt 'a chon̈b' Ur 'a yol yic eb' caldeo yuj wa'n jun lum tic eco'oc, xchi 'a 'a.

Chuj San Mateo Bible

⁷ Ix yalanxi Jehová icha tic: —A in ton Jehová in ach viq'uelta d'a chon̈ab' Ur d'a yol yic Caldea yic svac' jun luum tic d'ayach yic tziquej, xchi d'a vin̈.

Gn 15:7 Referans Kwoze

Gn 12:1

'Ay jun c'ual 'ix yalx Jehová 'a win Abram 'ixtic: 'Actj can a lum tic yet' smasnil eb' ecan, yet' eb' cajn 'a yatut a mam. Tzlajw cha, tzach 'at 'a jun lum lum 'oj in ch'ox 'ayach.

Ro 4:13

Ya'jnac can Dios sti 'a win Abraham yet' 'a eb' yin̈til, chajtlto 'oj yac' yolyib'n̈q'uinl tic yico'oc eb'. Man̈ yujoc syicljnac win sley Dios, ya'n can sti 'a winac, palta yujn̈ej to wach' win 'a sat, yujto ya'jnac 'och win sc'ojl 'a 'a.

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.

Salmos 105:42

yujto sna cot sti yaljnac can 'a jun schecab', atn Abraham.

Salmos 105:11

yic yaln can 'ixtic: 'Oj wac' lum Canaán 'ayex, a lum 'oj 'och e macloc, xchi.

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 28:4

'Oj ya'cn smasnil yaxilal 'ayach yet' 'a smasnil eb' en̈til, atn jun yaxilal 'a 'aj xya'cn Dios sti ya'n 'a a mam 'ichm Abraham, sec wach' 'oj 'och lum lum tic eco'oc, lum 'ajtil ton̈j cajn on̈ 'ec' tic, yujto caw a Jehová, a 'ix altn lum 'a a mam 'ichm cha, xchi Isaac.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Dt 9:5

Man̈ yujoc e wach'il, mto yuj stojlal e nab'en ax 'at e cajnc lum lum cha, palta yuj smaysch'olnilal eb' 'anma cha. Yuj cha, ax satx 'el eb' 'a eyojltac yuj Jehová, sec 'ixta 'oj 'aj yel'ch strato sb'ojnac yet' Abraham, Isaac yet' Jacob, atn eb' qui mam quichmec.

Ex 32:13

Comnoc tza na cot tas aljnac can yet' eb' a checb' 'a pecti', atn Abraham, Isaac yet' Israel. A 'a eb' aljnac can 'ixtic: 'Oj wac' q'uib' sb'isl eb' eyin̈tl b'aq'uin̈, lajn wal 'oj 'aj sb'isl eb' 'icha c'anal 'a satcha'an̈. A smasnil lum lum tic, 'ix wac' in ti wa'n 'a eb' eyin̈til, yic eb' tz'aj lum 'a smasnil tiempo, 'in xa chi, xchi Moisés cha.

Nm 33:53

A yic tzeya'n ganar eyi'n 'ec' lum lum cha, yajn̈j cha, tze b'on 'och e b'a 'a sat lu'um, tzex can cajn 'a 'a, yujto an tzwac' e caj lu'um.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.