Gn 15:4 - Chuj San Sebastian Bible

⁴ Yuj cha, xyaln Dios 'a Abram 'ixtic: —Ma'ay, man̈oc win chuc chon̈b'al chi 'oj 'ica'anoc, a wal caw onnal, a 'oj 'ica'anoc, xchi 'a 'a.

Chuj San Mateo Bible

⁴ Ix yalanxi Jehová d'a vin̈: —Maay, a d'a junoc uninal ol canoc, man̈oclaj d'a vin̈ comon anima chi' ol canoc, xchi d'a vin̈.

Gn 15:4 Referans Kwoze

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gl 4:28

Ex wu'tac, ex wanab', lajn on̈c 'icha Isaac. Yujto ya'jnac can Dios sti', on̈ 'ochc yunnaloc.

A Ch'an̈ Schab'l Libro Samuel 7:12

A yic 'oj lajwc c'och a q'uinal, yic 'oj a chami, an 'oj wa'ch junc eb' onnal reyl a jeloc, ax wa'n yic' yip yopiso cha.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Gn 21:12

Ax Dios 'ix aln 'a Abraham 'ixtic: Man̈ tac a c'ojl yuj win 'unn tic, yet' pax 'ix a'mal servil tic. Yiclj smasnil tas tzyal 'ix Sara, yujto a win Isaac, a win 'oj pitznc 'el en̈tl 'oj 'a'n b'inaxc a b'i.

Filemón 1:12

Yuj cha, tic tzin checb't pax 'ayach. Caw tza chaj sc'ochi. 'Icha to an tzin c'ochi, 'ixta tzotj a chan sc'och ta'.

A Ch'an̈ Schab'l Libro Samuel 16:11

'Ix yaln David 'ixtc 'a win Abisai yet' 'a smasnil eb' 'ay yopiso yet' cha: —'Intax to wunnal win tzin nib'n milnoc, ax pax win tic, yin̈tl eb' yic Benjamín winac. Sb'ajquin cab' winac, lemb'il a Jehová a tz'a'n yala'.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.